مەكتەپ فورمالارىن بەلگىلەنگەن جەرلەردەن ساتىپ الۋ تۋرالى مەكتەپ باسشىلىعىنىڭ تاپسىرماسى زاڭسىز

مەكتەپ ديرەكتورىنا بىرنەشە رەت شاعىم تۇسكەن جاعدايدا ونى تارتىپتىك جازاعا تارتۋ ماسەلەسى قارالادى.

- مۇنىڭ بارلىعى مەكتەپتەردە نەمەسە سايتتاردا جاريالانباۋ كەرەك. ءبىز قانداي بولسىن, قىزىعۋشىلىقتى قورعاماۋىمىز كەرەك. اتا-انالار وزدەرى ىڭعايلىلىعىنا قاراي تاڭداۋى قاجەت. بۇل دۇكەن, بازار بولۋى مۇمكىن, قاي جەردە, قالاي ىڭعايلى بولادى, سول جەردەن الادى, - دەيدى استانا قالاسى ءبىلىم باسقارماسى باسشىسىنىڭ م.ا. ءانۋار جانعوزين.

بۇدان بولەك, قالالىق ءبىلىم باسقارماسى مەكتەپ باسشىلىعىن سايتقا ەمبلەمانىڭ ەلەكتروندى نۇسقاسىن سالۋدى مىندەتتەدى. ءتيىستى حات مەكتەپ ديرەكتورلارىنا جىبەرىلدى: مۇنىڭ بارلىعى قانداي دا ءبىر جەتكىزۋشى كومپانيانىڭ مۇددەسىن قورعاماۋ ءۇشىن جۇمىستار جۇرگىزىلۋدە. وسىلايشا, اتا-انالارعا ەمبلەما تىگىلگەن پيدجاك جانە جەيدە الۋ مىندەت ەمەس.

- ءبىز بارلىق مەكتەپتەرگە ەمبلەمالارىن سايتتا جاريالاۋ ءۇشىن حات جولدادىق. ەندى كەز كەلگەن اتا-انا ول ەمبلەمانى كوشىرىپ الىپ, قالاعان جەرىندە شىعارىپ, فورماعا جابىستىرا الادى. وسى دا جەتكىلىكتى, - دەيدى ا.جانعوزين

نەگىزگى مەكتەپ فورماسىنا قاتىستى سۇراقتار بويىنشا تەلەفون: 55-68-53, 55-74-67.

بۇعان دەيىن حابارلانعانداي, استانانىڭ كوك ءتۇستى بىرىڭعاي مەكتەپ فورماسىنا كوشۋى بالا كيىمىنىڭ ەسكىرۋىنە قاراي كەزەڭىمەن كوشەدى. 1 قىركۇيەكتەن باستاپ قاراكوك ءتۇستى كوستيۋم-شالبارمەن تەك ءبىرىنشى سىنىپ وقۋشىلارى عانا كەلۋى كەرەك. ۇلدار ءۇشىن مەكتەپ فورماسىندا – پيدجاك, جەلەتكە, شالبار, تريكوتاجدى جەلەتكە ءتۇسى - قارا كوك, ال كويلەك اق ءتۇستى. سۋىق كۇندەرى كويلەكتى «ۆودولازكاعا» اۋىستىرۋعا بولادى. الايدا بيىل اتا-انالاردىڭ سۇرانىسى ەسكەرىلىپ, بارلىق كيىمدەردى الۋدىڭ قاجەتتىلىگى جوق. ۇسىنىلاتىن مينيمۋم: كويلەك, جەلەتكە, شالبار. قىزدار ءۇشىن مينيمۋم: سارافان, بلۋزكا,: جەلەتكە, بلۋزكا جانە بەلدەمشە نەمەسە جەلەتكە, بلۋزكا, شالبار.