12-13 تامىز كۇندەرى استاناداعى قىزىلوردا وبلىسىنىڭ مادەني كۇندەرىنە وراي «قازاقستان» سپورت كەشەنىنىڭ جانىندا سىر ءوڭىرىنىڭ اۋىل شارۋاشىلىعى جارمەڭكەسى وتكىزىلەدى.
جارمەڭكەدە استانا تۇرعىندارى مەن قالا قوناقتارىنا قىزىلوردا وبلىسىنىڭ 30 شارۋا قوجالىعى 40 ءتۇرلى اۋىل شارۋاشىلىعى – كۇرىش, بالىق, باقشا ونىمدەرىن ۇسىنادى. جالپى جارمەڭكەگە 260 تونناعا جۋىق اۋىلشارۋاشىلىق ونىمدەرى اكەلىنەدى.
سونىمەن قاتار, 12 تامىز كۇنى سىربويىلىق ونەرپازداردىڭ قاتىسۋىمەن مەرەكەلىك كونتسەرت ۇيىمداستىرىلادى. ەلوردانىڭ ورتالىق پاركىندە «سىر سامالى» اتتى كونتسەرت وتەدى. بۇدان بولەك, 13 تامىز كۇنى «قازانات» يپپودرومىنداعى ەتنواۋىلدا ەسترادا انشىلەرى, ءداستۇرلى ورىنداۋشىلار, سونداي-اق «توميريس» بي ءانسامبلى ونەر كورسەتەدى.
ەستەرىڭىزگە سالا كەتەيىك, استانادا «ەكسپو-2017» حالىقارالىق مامانداندىرىلعان كورمەسى اياسىندا 10-14 تامىز كۇندەرى قىزىلوردا وبلىسىنىڭ مادەني كۇندەرى وتۋدە.