تۇرعىندار مەن باق-تىڭ سۇراقتارىنا قر بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى گۇلزات كوبەنوۆا جاۋاپ بەردى.
«كەز كەلگەن اتا-انا مەن تالاپكەر ءبىلىم گرانتىنان ءۇمىتتى ەكەنى تۇسىنىكتى. بيىل مينيسترلىك باكالاۆريات بويىنشا گرانت سانىن 6 مىڭعا ءوسىردى.
دەگەنمەن, تاڭداۋ بارىسىندا ەسكەرەتىن جايت – ءار ءتۇرلى ماماندىق بويىنشا بولىنگەن گرانتتار سانى دا بىركەلكى دەڭگەيدە ەمەس. ناتيجەسىندە ءار ماماندىق بويىنشا ءبىلىم گرانتىن الۋ ءۇشىن بەلگىلى ءبىر دەڭگەيدە بالل جيناۋ قاجەت. دەگەنمەن, بۇل – جاڭالىق ەمەس. بىلتىر دا, الدىڭعى جىلى دا وسىلاي بولعان. سول سەبەپتى تالاپكەرلەر ماماندىقتارعا قانداي باسەكە بولاتىنىن بىلۋلەرى ءۇشىن ءار ماماندىق بويىنشا بولىنەتىن گرانتتار كولەمى جىل سايىن ۇبت وتكىزىلگەنگە دەيىن بەلگىلى بولادى.
ماماندىق تاڭداۋ تالاپكەرلەر مەن ولاردىڭ اتا-انالارىنىڭ تاڭداۋى بولىپ تابىلادى. كوبىنە زاڭ ءىسى, قارجى ءىسى سىندى تانىمال, سونداي-اق, گرانت سانى از بولىنگەن ماماندىقتارعا سۇرانىس تۇسەدى. وعان قوسا, تالاپكەرلەر ناقتى ءبىر جوو تاڭدايدى. سوندىقتان گرانت الۋ ءۇشىن ۇبت ۇپايلارى ءارتۇرلى ماماندىقتار مەن جوو-ىنا قاراي وزگەشەلەنەدى.
سونىمەن قاتار, اتا-انالار اۋىل كۆوتالارى مەن جەڭىلدىكتەردى پايدالاناتىن باسقا دا كاتەگورياداعى ادامداردىڭ بار ەكەنىن دە ەسكەرۋ ءتيىس. ونداي تالاپكەر ۇبت-دان العان ۇپاي سانىنىڭ تومەن بولعانىنا قاراماستان گرانت يەگەرى اتانادى. بۇل دا جىل سايىن قايتالاناتىن جاعداي.
«التىن بەلگى» يەگەرلەرى قولدانىستاعى زاڭعا سايكەس جەڭىلدىك الا الادى. مينيسترلىك ولاردىڭ ۇبت-دان العان ۇپاي سانىن وزگە تالاپكەرلەرگە تەڭەگەن زاڭ جوباسى قاراستىرىلۋعا بەرىلگەن, بىراق ءالى قابىلدانبادى. ول زاڭ كۇزدە قابىلدانۋى مۇمكىن, سوندا عانا «التىن بەلگى» يەگەرلەرىنە بەرىلەتىن جەڭىلدىكتەر جويىلىپ, باسقالارمەن تەڭ دارەجەدە قاراستىرىلادى.
قايتالاپ ايتقاندا, قۇرامىنا جوو اسسوتسياتسياسىنىڭ, «اتامەكەن» ۇكپ-نىڭ, كاسىپوداقتار مەن باسقا دا قوعامدىق ۇيىم وكىلدەرىنەن كىرگەن رەسپۋبليكالىق كوميسسيا ءوز شەشىمدەرىن قولدانىستاعى زاڭ تالاپتارىنا سايكەس قابىلداعان.
ۇلتتىق تەستىلەۋ ورتالىعى بۇگىن قوعامدىق قابىلداۋ بولمەسىن اشىپ, ءار اتا-انامەن جەكە ءتۇسىندىرۋ جۇمىستارىن جۇرگىزەدى. قازىرگى ۋاقىتتا +7 (71 72) 69 50 76, 69 52 61 نومەرلەرىنە حابارلاسىپ, قاۋىرت جەلى ارقىلى قاجەتتى اقپارات الۋعا بولادى.
مينيسترلىك جوعارى بالل العان تالاپكەرلەرگە جوو-نىڭ گرانت تارىنىڭ بولىنۋىنە ۇسىنىس جاسايدى. سونىمەن قاتار, مينيسترلىك بيىل ءار وبلىس اكىمدەرىنىڭ گرانتتارىنىڭ بولىنۋىنە جاعداي جاسادى. الداعى 2 اپتا ىشىندە اكىمدىكتەرمەن وسى باعىتتا جۇمىس جاسالادى.
بىردە-ءبىر تالاپكەر نازاردان تىس قالمايدى».