اۋداننىڭ 13 وكرۋگىن ارالاپ, ادامداردىڭ ءبىر-بىرىنە قامقورلىعىن, قول ۇشىن سوزۋىن جاستار وزدەرىنىڭ باعدارلامالارىندا انىق, ايقىن كورسەتتى. ناتيجەسىندە, 13 وكرۋگتە وتكەن قايىرىمدىلىق شاراسىندا 700 مىڭ تەڭگەدەي قاراجات جينالىپ, ول قاراجات قايىرىمدىلىق كەشىنىڭ ءار وكرۋگتەردەگى كەيىپكەرلەرىنە تابىستالدى.
مىنە, وسىنداي ءىستىڭ باسىندا بولعان جاستار رەسۋرستىق ورتالىعىنىڭ كەڭەسشى ماماندارى داۋرەن باتىرعاليەۆ, امان قابوشەۆ, ايان كاريموللين, ارۋ مۇستاجاپوۆا, نۇرسۇلتان بەكمانوۆ, جادىگەر مۇقاشەۆ, ءالىمجان شانگەرەەۆ, سالتانات باسەروۆا, ەرحات بەكمولدين, قايرات ناۋحانوۆ, نۇرلىباي ەردوسباي وزدەرىنىڭ جاڭالىققا قۇمار باستامالارىن كورسەتۋمەن قاتار, بويلارىنداعى تالانتتارىن دا پاش ەتتى. ال وسى اعا-اپالارىمەن بىرگە ونەرىن كورسەتكەن مەكتەپ وقۋشىسى اسىلجان حايرەددەنوۆ مۇمكىندىگى شەكتەۋلى قۇرداستارىنا كىشكەنتاي جۇرەگىمەن جىلۋ سىيلاعانىن كورگەن جۇرتشىلىق كوزدەرىنە ەرىكسىز جاس الدى...
اسەم بولات
باتىس قازاقستان وبلىسى, قازتالوۆ اۋدانى