بقو مەن وقو اراسىندا بىرنەشە كەلىسىمگە قول جەتكىزىلدى

وبلىس اكىمىنىڭ ءباسپاسوز قىزمەتىنەن تۇسكەن مالىمەتكە قاراعاندا, باتىسقازاقستاندىق دەلەگاتسيانى وڭتۇستىك قازاقستان وبلىسىنىڭ اكىمى جانسەيىت تۇيمەباەۆ قارسى الىپ, وقو-نىڭ الەۋمەتتىك-ەكونوميكالىق دامۋ بارىسىمەن تانىستىردى. جيىن ماقساتى ەكونوميكالىق, مادەني-گۋمانيتارلىق جانە وزگە دە سالالاردا تىعىز ىنتىماقتاستىق ورناتا وتىرىپ, ءوزارا تاۋار اينالىمىن ۇلعايتۋ, وڭىرلەردىڭ ەكونوميكالىق جاعدايىن جاقسارتۋ بولىپ تابىلاتىندىعىن ايتقان ج.تۇيمەباەۆ قوس وبلىستىڭ ءوزارا ءتيىمدى ءارى ناتيجەلى قارىم-قاتىناستارىنىڭ ودان سايىن دامي تۇسۋىنە بۇل كەزدەسۋدىڭ سەپتىگى مول بولارىنا سەنىم ءبىلدىردى.

التاي كولگىنوۆ باتىس قازاقستان وبلىسىندا جۇزەگە اسىپ جاتقان بىرقاتار جوبالار جونىندە اڭگىمەلەپ, مۇنىڭ قازاقستاننىڭ وڭتۇستىگى مەن باتىسىنا ءتيىمدى بولادى دەگەن تۇستارىن جەتكىزدى.

ء«بىز وڭتۇستىك قازاقستان وبلىسىنا مۇناي-گاز سەكتورىنان بولەك ارىپتەستىكتىڭ وزگە دە سالالارىن ۇسىنعىمىز كەلەدى. مىسالى, وڭتۇستىك قازاقستان وبلىسىنىڭ اۋىل شارۋاشىلىعى مەن جەڭىل ونەركاسىپتەگى الەۋەتى جوعارى. وسىنى ەسكەرە وتىرىپ, اۋىل شارۋاشىلىعى سالاسىندا جاڭا تەحنولوگيالاردى پايدالانۋ, اوك ونىمدەرىن قايتا وڭدەۋ مەن اگروونىمدەردى ەكسپورتتاۋ ءۇشىن ينفراقۇرىلىم قۇرىلىسىن جۇرگىزۋ باعىتىندا بىرلەسكەن جوبالاردى ۇيىمداستىرۋعا دايىن ەكەنىمىزدى مالىمدەيمىز», - دەدى بقو اكىمى.

كەزدەسۋ بارىسىندا كەلىسىلگەن ءبىرىنشى قۇجات اياسىندا وڭتۇستىك قازاقستان جانە باتىس قازاقستان وبلىستارىنىڭ اكىمدىكتەرى اراسىندا ينۆەستيتسيا مەن ءوندىرىس, شاعىن جانە ورتا بيزنەس, ساۋدا-ساتتىق, ءتۋريزمدى دامىتۋ, اۋىل شارۋاشىلىعى, دەنساۋلىق ساقتاۋ سالالارىندا ارىپتەستىك ورناتۋ كوزدەلسە, ەكىنشى مەموراندۋم كەنتاۋ ترانسفورماتور زاۋىتىنان «قاراشىعاناق پەتروليۋم وپەرەيتينگ ب.ۆ.» كومپانياسىنا ترانسفورماتورلار جەتكىزۋ تۋرالى بولدى. سوڭعى, ءۇشىنشى مەموراندۋم «شىمكەنت» اكك» ۇك» اق مەن «ورال» اكك» ۇك» اق اراسىنداعى ىنتىماقتاستىقتى نىعايتپاق. ءتورتىنشى قۇجات - كەلىسىمشارت «شىمكەنتتسەمەنت» اق مەن BafkerHughes كومپانيالارى اراسىندا جاسالدى.

ايتا كەتەيىك, بۇل بقو وكىلدەرىنىڭ وڭتۇستىككە جاساپ وتىرعان العاشقى جۇمىس ساپارى ەمەس. بيىل ءساۋىر ايىندا يندۋستريالدى ايماقتاردا اتقارىلىپ جاتقان جوبالارمەن تانىسىپ, تاجىريبە الماسۋ ءۇشىن وڭتۇستىك قازاقستان وبلىسىنا ءدال وسىنداي ساپار ۇيىمداستىرىلعان بولاتىن.