بۇل ويىندا جەڭىس وڭاي كەلمەدى. «ورداباسى» ساۋاتتى تۇردە قورعانا ءبىلدى. بىزگە ەركىندىك بەرە قويمادى. مۇمكىندىكتەرىمىز بولعانمەن, پايدالانا المادىق. ەكىنشى تايمدا قوناقتاردىڭ گول سالاتىن ساتتەرى دە بولدى. ەڭ باستىسى ءبىز جەڭىسكە جەتتىك. سوعان ىشتەي ريزامىن.
- الەكساندر موكينگە ەۋروكۋبوكتىق ويىننان كەيىن دەمالىس بەردىڭىز بە؟
- مەن ىلعي دا ايتامىن. قاراماعىمدا ۇزدىك قاقپاشىلار جينالعان. قايسىسى دايىن بولسا, ءوزىن جاقسى سەزىنسە, سونى الاڭعا شىعارامىن.
- بۇگىن تىزىمگە الەكساندر موكين, مارين انيچيچ, دجوردجە دەسپوتوۆيچ, رومان مۇرتازاەۆ ەنبەدى. ولاردىڭ ءبارى جاراقات الىپ قالدى ما؟ سونداي-اق يۆان ماەۆسكي قوسالقى قۇرامدا وتىردى.
- ولاردىڭ جاراقاتى بار. ءتىپتى, قوسالقى قۇرامدا وتىرعان يۆان دا ءوزىن جايسىز سەزىنىپ وتىر.
- اسحات تاعىبەرگەن بۇگىن جەڭىستى ج ۇلىپ الدى دەپ ايتۋعا بولادى. ول وسىنداي ەرلىگىمەن نەگىزگى قۇرامعا جاقىنداي ءتۇستى دەپ ايتۋعا بولا ما؟
- ول كوپتەن بەرى وينامادى. ەڭ ءبىرىنشى وعان ءوز دەڭگەيىنە كەلۋ كەرەك. جاتتىعۋ كەزىندە بارىنشا تىرىسىپ جۇرگەنىنە كۋامىن. گول سوعۋ ونىڭ نەگىزگى جۇمىستارىنىڭ ءبىرى. مەنىڭ ءاربىر ويىنشىم ءوز ءىسىن جوعارى دەڭگەيدە اتقارۋى ءتيىس.
- «ورداباسى» وتكەن ماۋسىمدى ءۇشىنشى ورىنمەن اياقتادى. بيىل بۇل ورىنعا كىم لايىقتى دەپ ويلايسىز؟
- وزگە كوماندالارعا باعا بەرگەندى ۇناتپايمىن. ماۋسىم سوڭىندا ءبارى بەلگىلى بولادى.
- ماۋسىم دا ءبىراز جەرىنە جەتىپ قالدى. «استانانىڭ» چەمپيون اتانۋىنا نە كەدەرگى بولادى دەپ ويلايسىز؟
- وزىمىزگە ءوزىمىز كەدەرگى بولىپ قالۋىمىز مۇمكىن دەپ ويلايمىن. قىسىمعا شىداي ءبىلىپ, ءبارىن جوعارى دەڭگەيدە وتكەرىپ شىعۋىمىز كەرەك. قيىن ەكەنى بەلگىلى. بىراق بۇل فۋتبول. وسى ورايدا ايگىلى گوللانديالىق يوحان كرويفتىڭ ءبىر ءسوزى ەسىمە ءتۇسىپ وتىر. ول «بارسەلونانىڭ» تىزگىنىن ۇستاعان جىلدارى ويىنشىلارىنىڭ ىلعي دا جەڭىسكە دەگەن قۇلشىنىسى جوعالماۋىن, قارسىلاستارىن تىزە بۇكتىرىپ تۇرۋعا ىنتالى بولۋىن قالاعان ەدى. سوندىقتان مەنىڭ دە ويىم وسى. سونىمەن قاتار, ارى-بەرى ۇشاقپەن ۇشىپ ءجۇرۋىمىز دە جىگىتتەردى شارشاتۋى مۇمكىن. بىراق فۋتبول بولعاننان كەيىن بارىنە شىداۋىمىز كەرەك.
- «سەلتيككە» قارسى ويىن الدىنداعى «اقتوبەمەن» وتەتىن ماتچتى كەيىنگە قالدىرۋ كەرەك پە ەدى؟
- نەگىزى بۇل تۋرالى دا ويلانعانبىز. بىراق ءاربىر ويىندى شەگەرە بەرەر بولساق, «استاناعا» دا جاقسى ابىروي اكەلمەيدى. سونداي-اق, ماتچتى كەيىنگە قالدىرۋ قارسىلاس كومانداعا دا قيىندىق تۋدىرۋى مۇمكىن.
- وسىعان دەيىن «سەلتيك» قازاقستاندىق كلۋبتارعا قارسى وتكىزگەن ويىنداردا العاشقى ماتچتى سىرت الاڭدا وتكىزەتىن. بۇل جولى جاعداي باسقاشا. «استاناعا» وسى جايت وڭ اسەرىن بەرەدى دەپ ويلايسىز با؟
- مەن وسىعان دەيىن دە بىرنەشە رەت ايتقانمىن. تاعى دا قايتالايىن. ماعان ءبارى-ءبىر. قانشا دەگەنمەن ەكى ويىن وتكىزەمىز. بۇل ماتچتا «سەلتيكتى» فاۆوريت رەتىندە ەسەپتەيمىن. جىلدا ەۋروپا ارەناسىندا ونەر كورسەتەدى. بىراق فۋتبولدا ىلعي دا فاۆوريتتەر جەڭە بەرمەيدى. الدىمەن «اقتوبەگە» قارسى ويىندى وتكىزىپ الايىق, سودان كەيىن شوتلانديالىقتاردى ويلايتىن بولامىز.
ايان ءابدۋالي, «ەگەمەن قازاقستان»