نازارباەۆ ۋنيۆەرسيتەتىنىڭ جانىنداعى ەنەرگەتيكالىق عارىش زەرتحاناسىنىڭ عىلىمي قىزمەتكەرى ميحايل دەسسەنيانىڭ ايتۋىنشا, ورتالىق ازيا بويىنشا مۇنداي جابدىقتى العاش بولىپ قازاقستان ورناتپاق.
«ازىرگە تەست جۇمىستار ءجۇرىپ جاتىر, تەلەسكوپتا وپتيكالىق كامەرالار ورناتىلادى. تەلەسكوپ عارىشتاعى جوعارى ەنەرگەتيكالىق جارقىلداردى باقىلاۋ ءۇشىن قولدانىلادى, بۇل گامما-جارقىلدار جانە باسقا دا كوزدەر. ول الماتىنىڭ وڭتۇستىك-شىعىسىنا قاراي 76 كم جەردە ورناتىلادى. بۇل ورىن عارىشتى باقىلاۋ ءۇشىن بۇرىننان بەرى پايدالانىلىپ كەلەدى. سول جەردە جەكە تەلەسكوپ ورناتىلىپ, بىرنەشە جوبا ىسكە اسىرىلادى», - دەپ اتاپ ءوتتى م. دەسسەنيا.
جوبا جەتەكشىسى – قازاقستاندىق عالىم-پروفەسسور قانات بايكارين (نازارباەۆ ۋنيۆەرسيتەتى) جانە فيزيكادان نوبەل سىيلىعىنىڭ لاۋرەاتى دجوردج سمۋت (كاليفورنيا). قاناتقاقتى جوبانى قر ءبىلىم جانە عىلىم مينيسترلىگى قارجىلاندىرادى.