قالا كۇنىنە ارنالعان مەرەكەلىك باعدارلاما «مەدەۋ» بيىك مۇز ايدىنىندا 19-20 تامىزدا باستالادى. مۇندا «رۋحاني جاڭعىرۋ» اياسىندا العاشقى حالىقارالىق «Star of Asia» مۋزىكا فەستيۆالى وتەدى. وعان قىتايدىڭ, تۇركيانىڭ, جاپونيانىڭ, وڭتۇستىك كورەيانىڭ, ينديانىڭ جانە باسقا شەتەلدەردىڭ تانىمال انشىلەرى كەلەدى. شەتەلدىك ارتىستەرمەن بىرگە مۋزارت, قايرات نۇرتاس, ايقىن, ءالي وقاپوۆ قاتارلى ەلىمىزدىڭ ەسترادا جۇلدىزدارى ونەر كورسەتەدى.
قالا تۇرعىندارى مەن قوناقتارى ءبىر اي بويى «كوكتوبە وپەرا» حالىقارالىق مۋزىكا فەستيۆالىن اشىق اسپان استىندا تاماشالاي الادى. 17 قىركۇيەكتە «الماتى ارەنادا» «Muzzone» تەلەارناسىنىڭ VI ەۋرازيالىق «EMA-2017» مۋزىكالىق سىيلىعىن تاپسىرۋ سالتاناتى وتەدى.
كوڭىلدى مادەني باعدارلامالاردان وزگە سپورت جارىستارى دا وتەدى. ولاردىڭ ىشىندە قازاق كۇرەسى بويىنشا «الەم بارىسى» ءتۋرنيرى قالا كۇنى كەزىنە جوسپارلانعان. ال 9 قىركۇيەكتە «Alash Pride» پالۋاندار جارىسى ءوتىپ, ەشكىمنەن جەڭىلمەگەن پالۋان ارمان وسپانوۆ برازيليالىق تياگو تاۆارەسپەن كۇش سىناسادى.
سونداي-اق, «الماتى ارەنادا» «ABBA platinum», «ا’studio», «گريبى» كونتسەرتتەرى وتەدى. رەسپۋبليكا سارايىندا تورەعالي تورەالى, ۆاەنگي, نارگيز زاكيروۆا, پاۆەل ۆولي جانە باسقا قازاق جانە رەسەيلىك ەسترادا جۇلدىزدارىنىڭ كونتسەرتتەرى بولادى.