جاپوندىق مەتەورولوگيالىق اگەنتتىكتىڭ حابارلاۋىنشا سۇراپىل «نورۋ» تايفۋنى سولتۇستىك-شىعىسقا جىلجىپ, جاپوندىق كيۋسيۋ ارالىنىڭ وڭتۇستىگىنە جاقىنداپ كەلەدى.
تايفۋن ارالعا جەكسەنبىدە جەتەدى, دەپ وتىر ماماندار. ولاردىڭ ايتۋىنشا تايفۋن ءوتىپ جاتقان امامي ارالدارى اۋدانىندا قازىر ساعاتىنا 100 مم نوسەر جاۋىن جاۋىپ جاتىر. سينوپتيكتەردىڭ ايتۋىنشا, كەي اۋدانداردا جاۋىن-شاشىن سوڭعى 50 جىلدا بولماعان رەكوردتى دەڭگەيگە جەتۋدە.
اۋا رايىنىڭ قولايسىزدىعى سالدارىنان كاگوسيما اۋەجايىنان 80-نەن استام رەيستى كەيىنگە قالدىردى. سونىمەن قاتار 11 مىڭنان استام وتباسى جارىقسىز قالدى.
سينوپتيكتەر ەندى تاياۋ كۇندەرى سولتۇستىك-شىعىسقا قاراي باياۋ جىلجىعان تايفۋن كەلەسى اپتادا جاپوندىق حونسيۋ, ونىڭ ىشىندە توكيوعا جەتۋى مۇمكىن, دەپ وتىر.