شارا اياسىندا مادەنيەت كۇندەرى اياسىندا ءوڭىردىڭ ۇزدىك قايراتكەرلەرى ونەر كورسەتەدى. سونداي-اق, سۋرەتشىلەر, مۇسىنشىلەر, قولونەر شەبەرلەرىنىڭ ەڭبەكتەرى جۇرت نازارىنا ۇسىنىلىپ, سپورتتىق جارىستار جانە ءوڭىردىڭ اۋىل شارۋاشىلىعى تاۋارىن وندىرۋشىلەردىڭ جارمەڭكەسى ۇيىمداستىرىلادى.
5 تامىز كۇنى ەكسپو امفيتەاترىندا كەشكە ساعات 21.30-دا قوستاناي وبلىسى مادەني كۇندەرىنىڭ اشىلۋ سالتاناتى جانە ءوڭىردىڭ ۇزدىك شىعارماشىلىق ۇجىمدارىنىڭ گالا-كونتسەرتى وتكىزىلەدى.
6 تامىزدا «قازانات» اتشابارىندا «شىرقار ءانىم تۋعان ولكەم - قوستاناي!» كونتسەرتىندە قوستاناي وبلىسىنداعى حالىق اندەرىن ۇزدىك ورىنداۋشىلار, سونداي-اق, ەلۋباي ومىرزاقوۆ اتىنداعى وبلىستىق فيلارمونياسى شىعارماشىلىق ۇجىمدارىنىڭ ونەرىن تاماشالاۋعا بولادى.
سول كۇنى ەلورداداعى ق.قۋانىشباەۆ اتىنداعى قازاق مۋزىكالىق-دراما تەاترىندا قوستانايلىق وبلىستىق قازاق دراما تەاترى ىبىراي التىنسارينگە ارنالعان «دالا شامشىراعى» سپەكتاكلىن قويادى.
7 تامىزدا م.گوركي اتىنداعى ورىس تەاترىندا قوستانايلىق ارتىستەر احمەت بايتۇرسىنوۆ پەن ونىڭ جۇبايى بادريسافاعا ارنالعان «ليۋبوۆ ي سمەرت اق كەلىن» سپەكتاكلىن ەلوردالىقتارعا ۇسىنادى.
سونىمەن قاتار, 7 تامىز كۇنىدا كەشكە استانانىڭ ورتالىق الاڭىندا - «سلاۆيانسكايا پەسنيا» ورىس حالىق اسپاپتار وركەسترى مەن ءانسامبلىنىڭ «مۋزىكا-دۋشا نارودا» ۆوكالدىق-پوەتيكالىق باعدارلاماسى قويىلادى.
كەلەسى كۇنى سول جەردە «كوستانايسكيە زوري» بي ءانسامبلىنىڭ «سيقىرلى بي الەمى» حورەوگرافيالىق شولۋى وتكىزىلەدى.
9 تامىزدا ورتالىق الاڭىندا قوستاناي وبلىسى مادەني كۇندەرىنىڭ جابىلۋ سالتاناتى, كونتسەرتتىك Big-band پەن «نيۋ-بويس» توبىنىڭ «دوستارمەن بىرگە زاماناۋي اۋەن اياسىندا» دجازدىق شولۋى بولادى.
سونىمەن قاتار, 31 شىلدەدەن 9 تامىزعا دەيىن ەتنواۋىلدا («قازانات» اتشابارى) وبلىستىڭ 20 قولونەر شەبەرىنىڭ «تۋعان جەر قۇشاعىندا» ەكسپوزيتسيالىق كورمەسى وتەدى.
5-6 تامىزدا «قازانات» اتشابارىندا كورىنىستەر كورسەتىلىپ, سپورتتىڭ ۇلتتىق تۇرلەرى بويىنشا جارىستار وتەدى: قىز قۋ, اۋدارىسپاق, جامبى اتۋ, توعىزقۇمالاق, قازاق كۇرەسى, الامان بايگە, قۇنان بايگە.
سونىمەن قاتار سەنبى جانە جەكسەنبىدە «قازاقستان» سپورت كەشەنىندە قوستاناي وبلىسىنىڭ 14 اۋدانى مەن قالالارى اۋىل شارۋاشىلىعى تاۋارىن وندىرۋشىلەرىنىڭ قاتىسۋىمەن جارمەڭكە وتەدى. وندا شۇجىق, ءسۇت, كونديتەرلىك, ۇن جانە ماكارون ونىمدەرىنىڭ تۇرلەرى جانە باسقا دا ونىمدەر تاۋار وندىرۋشىلەردىڭ باعاسىمەن ۇسىنىلادى.