اتالعان شارا بيىلعى وقۋ جىلىندا «مەنىڭ تاڭداۋىم - بالالارعا كومەك كورسەتۋ» ۇرانىمەن وتەدى. وسى جىلدىڭ تامىز جانە قىركۇيەك ايلارىندا ۇيىمداستىرىلاتىن شارانىڭ ماقساتى - از قامتىلعان جانە كوپ بالالى وتباسىلار, جەتىم بالالار مەن اتا-اناسىنىڭ قامقورلىعىنسىز قالعان بالالار ىشىنەن وقۋشىلارعا جاڭا وقۋ جىلىنا دايىندىق كەزەڭىندە كومەك كورسەتۋ جانە الەۋمەتتىك سەبەپتەر بويىنشا بالالاردىڭ مەكتەپكە بارماۋىنىڭ الدىن الۋ.
رەسپۋبليكالىق «مەكتەپكە جول» اكتسياسىنا بارلىق دەڭگەيدەگى مەكەمە باسشىلارى, اۋدان اكىمدەرى, كاسىپكەر ازاماتتار, مەملەكەتتىك قىزمەتكەرلەر, ۇكىمەتتىك ەمەس ۇيىمدار, اۋداندىق, قالالىق ءبىلىم بولىمدەرى, سونداي-اق, مەكتەپ باسشىلارى اتسالىسا الادى.
ەسكە سالا كەتسەك, وتكەن 2016 جىلى وسى اكتسيانى وتكىزۋ ناتيجەسىندە 18510 بالاعا ماتەريالدىق كومەك بەرىلگەن-ءدى. ونىڭ ىشىندە, 10096 بالاعا بيۋدجەت قاراجاتى ەسەبىنەن, قالعان 8414 بالاعا بيۋدجەتتەن تىس دەمەۋشىلەر قاراجاتى ەسەبىنەن ماتەريالدىق كومەك كورسەتىلدى. وبلىس بويىنشا ماتەريالدىق كومەك العان بالالارعا جالپى 197 ملن 414 مىڭ تەڭگە سوما كولەمىندە قارجى جۇمسالدى. ونىڭ 134 ملن 687 مىڭ تەڭگەسى بيۋدجەت ەسەبىنەن بولسا, 62 ملن 727,9 مىڭ تەڭگە سوماسى بيۋدجەتتەن تىس دەمەۋشىلەر ەسەبىنەن بەرىلدى.
جالپى, «مەكتەپكە جول» اكتسياسى ۇيىمداستىرىلعان 9 جىل ىشىندە رەسپۋبليكا بويىنشا 2 ملن-نان استام بالاعا جالپى سوماسى 15 ملرد تەڭگەنىڭ ماتەريالدىق كومەگى كورسەتىلدى. جىل سايىنعى وتكىزىلىپ جاتقان وسىناۋ شاراعا دەمەۋشىلەر مەن مەتسەناتتار تاراپىنان كورسەتىلگەن كومەكتەر مەن قولداۋلاردىڭ ۇلەسى زور.