استانالىقتار الدا كەلەدى
وتكەن اپتانىڭ اياعىندا كوستا-ريكادا جالاۋىن كوتەرگەن «ۆۋەلتا» بايگەسىندە «Astana Women’s Team» كومانداسىنىڭ 22 جاستاعى شاباندوزى ارلەنيس سەررا جەڭىسكە جەتتى. تاۋلى ولكەدە ۇيىمداستىرىلعان جارىستىڭ ءتورت كەزەڭنىڭ ۇشەۋىندە ارلەنيس سەررا جەڭىس تۇعىرىنا كوتەرىلىپ, جەڭىمپازعا بەرىلەتىن قىزعىلت ءتۇستى مايكاعا يە بولدى. ونىڭ كوماندالاستارى سوفيا بەگگين مەن سوفيا بەرتيتستسولولار جارىستىڭ كوپ كەزەڭدىك قورىتىندىسى بويىنشا 5-ءشى جانە 6-شى ورىنعا تۇراقتادى. جالپى كوماندالار اراسىنداعى كورسەتكىش بويىنشا «Astana Women’s Team» كوش باستاپ تۇر. ازيانىڭ ۇزدىگى اتالدى
قىتايدا وتكەن «Tour of Qinghai Lake» حالىقارالىق ۆەلوجارىسىندا «استانا موتورس Vino 4ever» ۆەلوكومانداسى «ازيانىڭ ەڭ ۇزدىك كومانداسى» اتاعىن جەڭىپ الدى. كوماندا شاباندوزى ەۆگەني گيديچ جارىستىڭ 13-كەزەڭىندە 2 ساعات 13 مينۋت 58 سەكۋندتىق ناتيجە كورسەتىپ, ۇزدىكتەر ساپىنان كورىنىپ, جالپى ەسەپتە ەكىنشى ورىنعا تۇراقتادى. بۇل جارىستا باق سىناپ جاتقان 23 كوماندا اراسىنان «تسينحاي Tianyoude» كومانداسى باس جۇلدەگە لايىق دەپ تانىلسا, استانالىقتار ۇزدىكتەر قاتارىنا ىلىكتى.
جەڭىل اتلەتتەر لوندوندا سايىسادى
لوندون قالاسىندا وتەتىن XVI الەم چەمپيوناتىنا الەمنىڭ 205 ەلىنەن 2034 جەڭىل اتلەت قاتىسادى دەپ كۇتىلۋدە. 2015 جىلى بەيجىڭدە وتكەن چەمپيوناتقا 207 ەلدەن 1936 اتلەت قاتىسقان بولاتىن. اتالمىش الەمدىك دودادا قازاقستان نامىسىن 13 سپورتشى قورعايدى. ولار – ولگا رىپاكوۆا, ماريا وۆچيننيكوۆا, ۆيكتوريا زيابكينا, پولينا رەپينا, گەورگي شەيكو, رەگينا رىكوۆا, ديانا ايدوسوۆا, ەلەنا نانازياشۆيلي, ولگا سافرونوۆا, يۋليا راحمانوۆا, ريما كاشافۋتدينوۆا, سۆەتلانا گولەندوۆا, اناستاسيا تۋلاپينا.
توپتامانى ازىرلەگەن بەكەن قايرات ۇلى, «ەگەمەن قازاقستان»