وتاندىستارىمىز اقتىق باسەكەدە جاپونيا قۇراماسىمەن كۇش سىناستى. ءبىرىنشى پارتيانى جاپوندىقتار 25:13 ەسەبىمەن وڭاي ۇتقانىمەن, قالعاندارى تارتىستى ءوتتى. ەكىنشى پارتيادا جاپونيا ويىنشىلارى 25:20 ەسەبىمەن باسىم تۇسسە, ءۇشىنشىسىن قازاقستاندىقتار 27:25 ەسەبىمەن ءوز پايداسىنا جازدى.
ايتسە دە جاپوندىقتار ودان ارىگە مۇمكىندىك بەرمەي, ءتورتىنشى پارتيانى (25:23) جەڭىسپەن اياقتادى. ءسويتىپ ولار 3:1 ەسەبىمەن يگور نيكولچەنكو جاتتىقتىراتىن قازاقستاندىقتاردى ۇتىپ, ازيا چەمپيونى اتاندى. يندونەزيا قۇراماسىن 3:0 ەسەبىمەن تىزە بۇكتىرگەن وڭتۇستىك كورەيا ۆولەيبولشىلارى قولا جۇلدەگە يە بولدى.
وسىعان دەيىن قازاقستان قۇراماسى 1993 جىلعى ازيا چەمپيوناتىندا فينالعا دەيىن جەتىپ, كۇمىس جۇلدەگەر اتانعان بولاتىن. ال جاڭا عاسىرداعى ۇزدىك كورسەتكىشى 2009 جىلعى بىرىنشىلىكتەگى بەسىنشى ورىن ەدى. وسىلايشا, قازاقستاندىقتار بۇدان 24 جىل بۇرىنعى جەتىستىگىن قايتالادى.