«KAZAKH INVEST» ۇلتتىق كومپانياسى» اق باسقارمالارىنىڭ توراعاسى ماقسات قاباشەۆتىڭ ايتۋىنشا, بۇل قۇجاتتا قازاقستاندا ورگانيكالىق قالدىقتاردان بيوقۋات ءوندىرۋ بويىنشا يننوۆاتسيالىق قۇرال-جابدىقتى قولدانىسقا ەنگىزۋ ءۇشىن ينۆەستيتسيا سالۋ جايى قاراستىرىلعان.
«Bionet SrL» جوباسى بويىنشا كەلىپ تۇسەتىن شيكىزاتتى اناەروبتى اشىتۋ جانە بيوگازدى قالپىنا كەلتىرۋ ارقىلى ودان ەلەكتر قۋاتىن نەمەسە بيومەتان الۋ جولىمەن شيكىزاتتىڭ ەنەرگەتيكالىق الەۋەتىن پايدالانا الاتىن زاۋىت قۇرۋ كوزدەلىنگەن. ء «بىزدىڭ تەحنولوگيامىزدى قولدانا وتىرىپ جۇمىس ىستەيتىن زاۋىت قاتتى قالدىقتى وڭدەي وتىرىپ, ونى ەلەكتر قۋاتىنا نەمەسە اۋىلشارۋاشىلىعىندا پايدالانىلاتىن تىڭايتقىش ونىمىنە اينالدىرىپ كادەگە جاراتۋعا مۇمكىندىك بەرەدى. وسىلايشا ءبىز قۋات ۇنەمدەۋ جانە قورشاعان ورتانى قورعاۋ مىندەتتەرىن قاتار شەشەمىز», - دەپ ءتۇسىندىردى «Bionet SrL» پرەزيدەنتى نوربەرتو زانيني.
مەموراندۋمعا يتاليانىڭ فريۋلي-ۆەنەتسيا-دجۋليا ءوڭىرىنىڭ «استانا ەكسپو-2017» حالىقارالىق كورمەسىندەگى اپتالىعى شەڭبەرىندە «Expobetobe Astana» رەسمي باستاماسى بويىنشا قول قويىلدى.
فريۋلي-ۆەنەتسيا-دجۋليا ءوڭىرى يتاليانىڭ پاۆيلونى اۋماعىندا 2017 جىلدىڭ 30 شىلدەسى مەن 5 تامىزى ارالىعىندا «استانا ەكسپو-2017» حالىقارالىق كورمەسىنىڭ «كەلەشەكتىڭ قۋاتى» تاقىرىبىمەن ۇندەسەتىن تابيعي كوزدەردەن قۋات ءوندىرۋ تاجىريبەسىنىڭ تۇساۋكەسەرىن وتكىزبەك.