وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى بالداي وتەعاليەۆانىڭ ايتۋىنشا, ەڭبەك جانە حالىقتى الەۋمەتتىك قورعاۋ مينيسترلىگى مەن وبلىس اكىمدىگى اراسىندا 27 421 جۇمىس ورنىن قۇرۋ تۋرالى مەموراندۋمعا قول قويىلعان. – جىل باسىنان بەرى كاسىبي وقۋعا 955 ادام جىبەرىلدى, – دەيدى ب.وتەعاليەۆا. – قاجەتتى مامانداردى دايىنداۋ باعىتىندا وبلىستا بىرقاتار شارالار كاسىپتىك وقۋ ورىندارىمەن بىرىگىپ جۇزەگە اسىرىلىپ كەلەدى. جۇمىس بەرۋشىلەرمەن كەلىسىمشارتتار جاساقتالىپ, كاسىبي ماماندىققا وقۋ كۋرس- تارىنا 72 ادام جىبەرىلدى. جەرگىلىكتى جانە رەسپۋبليكالىق بيۋدجەت قاراجاتتارىنان ۇيىمداستىرىلاتىن الەۋمەتتىك جۇمىس ورىندارىمەن 506 جۇمىسسىز قامتىلىپ وتىر. ايماقتا جاستاردى جۇمىسپەن قامتۋ ماسەلەسى وزەكتى. جوعارى جانە ورتا-كاسىپتىك وقۋ ورىندارىن بىتىرگەن جاس تۇلەكتەر ءۇشىن ۇيىمداستىرىلعان جاستار تاجىريبەسىنە 316 جاس مامان جولداما الدى. جاستار تاجىريبەسى بۇرىن تەك قانا رەسپۋبليكالىق بيۋدجەتتەن بولىنگەن قاراجاتقا ۇيىمداستىرىلسا, وبلىس اكىمىنىڭ قولداۋىمەن 2015 جىلدان بەرى جەرگىلىكتى قازىنادان دا قاراجات قارالىپ كەلەدى. ايماقتا جۇمىسپەن قامتۋعا جاردەمدەسۋدىڭ كەشەندى جوسپارى اياسىندا الەۋمەتتىك قولداۋ شارالارىمەن 20 784 ادام قامتىلادى. جوسپاردا مەملەكەتتىك باعدارلامالار شەڭبەرىندە تۇراقتى جۇمىس ورىندارىنا ورنالاستىرۋ, كاسىبي وقۋعا جىبەرۋ, شاعىن نەسيە بەرۋ, قوعامدىق جۇمىستارعا جولداۋ, الەۋمەتتىك جۇمىستارعا ورنالاستىرۋ, جاس تۇلەكتەردى جاستار تاجىريبەسىنە جىبەرۋ سىندى شارالار بار. بۇگىنگە دەيىن جوسپار 65 پايىزعا ورىندالدى. حالىقتى جۇمىسپەن قامتۋدا بوس جۇمىس ورىندارى جارمەڭكەسىنىڭ ماڭىزى زور. بيىلدىڭ وزىندە 24 جارمەڭكە ۇيىمداستىرىلىپ, 908 ادام جۇمىس تاپتى. «اسىرەسە الىستاعى اۋىلداردا كوشپەلى بوس جۇمىس ورىندارىنىڭ جارمەڭكەسىن وتكىزۋ جاقسى جولعا قويىلىپ كەلەدى. دامبا, جانباي, زينەدەن اۋىلدارىندا وسىنداي جارمەڭكەلەر وتكىزىلىپ, 143 ادام جۇمىسقا ورنالاستى», دەيدى باسقارما وكىلى.
مەملەكەتتىك باعدارلامالاردىڭ ماڭىزى زور «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2020 جىلدارعا» ارنالعان باعدارلاماسىمەن اتىراۋ وبلىسىندا 7 212 ادامدى قامتۋ جوسپارلانىپ, 2,0 ملرد تەڭگە بولىنگەن. وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنە سۇيەنسەك, جىل باسىنان بەرى باعدارلامامەن 9 201 ادام قامتىلىپ, ەسەپتى كەزەڭگە جوسپارلانعان قاراجات تولىعىمەن يگەرىلدى. باعدارلامانىڭ ءبىرىنشى باعىتى بويىنشا 250 ادامدى كاسىپتىك دايارلاۋعا جانە 500 ادامدى قىسقا مەرزىمدى كۋرستارىنا وقىتۋ قاراستىرىلدى. قازىرگى ۋاقىتتا قالا مەن بارلىق اۋدانداردا ءموبيلدى توپتار قۇرىلىپ, ماماندار قاجەتتىلىگى مەن وقۋ ورىندار تىزبەسى انىقتالدى. قىسقا مەرزىمدى وقۋ ءساۋىر ايىنان باستالىپ, وقۋعا 521 ادام جىبەرىلدى. ولار: اسپاز, قۇبىر قۇراستىرۋشى, ارگونمەن دانەكەرلەۋشى, اۆتوكران جۇرگىزۋشىسى, اعىلشىن ءتىلى, ەەم وپەراتورى, شاشتاراز, تىگىنشى جانە ت.ب. ەڭبەك نارىعىنداعى سۇرانىسقا يە ماماندىقتار بويىنشا وقىتىلىپ كەلەدى. باعدارلامانىڭ «جاپپاي كاسىپكەرلىكتى دامىتۋ» ەكىنشى باعىتى شەڭبەرىندە 1 233 ادامدى قامتۋ جوسپارلاندى. 750 ادام «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتىلادى, 483 ادامعا ميكروكرەديت بەرىلەدى. ءۇشىنشى باعىتپەن 5 229 ادامدى جۇمىسپەن قامتۋ كوزدەلگەن. مىندەتتى الەۋمەتتىك مەديتسينالىق ساقتاندىرۋ جۇيەسى ەنۋىنە بايلانىستى حالىقتىڭ مارتەبەسىن انىقتاۋ جۇمىستارى جۇرگىزىلۋدە. جاسىراتىنى جوق, جۇمىس ىستەپ جاتقان ادامداردىڭ مىندەتتى 10 پايىزدىق زەينەتاقى تولەمدەرى اۋدارىلمايتىن فاكتىلەر كەزدەسەدى. بۇل مەكەمەدە ەڭبەكاقى بويىنشا بەرەشەك بار ەكەندىگىن نەمەسە ەڭبەك شارتىنىڭ جاسالماعانىن كورسەتەدى. مارتەبەسى انىقتالماعان ازاماتتارمەن جۇمىس ىستەۋ ءۇشىن وبلىستا شتاب قۇرىلدى. بارلىق اۋىلدىق, سەلولىق وكرۋگتەردە «ە-حالىق» اۆتوماتتاندىرىلعان اقپاراتتىق جۇيەسىن ەنگىزۋ جۇمىستارى ۇيىمداستىرىلۋدا.
سەبەپسىز قىسقارتۋعا جول بەرىلمەيدى الەۋمەتتىك جاعدايدى تۇراقتاندىرۋ جانە وبلىستاعى كاسىپورىنداردا ەڭبەك قاتىناستارىن ساقتاۋ ءۇشىن بىرقاتار كەشەندى شارالار اتقارىلدى. جۇمىستان بوساتىلعان قىزمەتكەرلەر بويىنشا ۇنەمى مونيتورينگ جۇمىستارى جۇرگىزىلەدى. – جىل باسىنان بەرى وبلىستا جۇمىس كولەمىنىڭ ازايۋىنا بايلانىستى 11 مەكەمەدەن 219 ادام جۇمىستان قىسقارتىلدى. جۇمىسپەن قامتۋ ورتالىقتارىنا 119 ادام تىركەلىپ, تولىقتاي الەۋمەتتىك قولداۋ شارالارىمەن قامتىلدى. 88-ءى ءوز بەتىمەن جۇمىسقا ورنالاستى. قىزمەتكەرلەردىڭ جۇمىستان بوساتىلۋىنا جول بەرمەۋ ماقساتىندا وبلىس اكىمدىگى 2 539 جۇمىس بەرۋشىلەرمەن جانە كاسىپوداقتارمەن «وندىرىستىك پروتسەستەردى تۇراقتاندىرۋ, قىزمەتكەرلەردىڭ ەڭبەك قۇقىقتارى مەن كەپىلدىكتەرىنىڭ ساقتالۋى, جۇمىستان بوساتىلاتىن قىزمەتكەرلەردى الەۋمەتتىك قورعاۋ جانە جۇمىسپەن قامتۋ ماسەلەلەرى بو- يىنشا ءوزارا ىنتىماقتاستىق تۋرالى» مەموراندۋمعا قول قويىپ, 115,4 مىڭ ادامنىڭ جۇمىس ورىندارى ساقتالدى. اتالعان شارالاردىڭ ناتيجەسىندە, جۇمىس ورىندارى ساقتالىپ, قىسقارتۋعا جوسپارلانعان 799 ادامنىڭ 580-ءى جۇمىس ورىندارىندا قالدىرىلدى, – دەيدى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى بالداي وتەعاليەۆا.
باقىتگۇل باباش, «ەگەمەن قازاقستان»
اتىراۋ