قازاقستاندىق كارينا قۇزعانباەۆا جاسوسپىرىمدەر مەن قىزدار اراسىندا 69 كەلىگە دەيىنگى سالماق دارەجەسىندە اۋىر اتلەتيكادان ازيا چەمپيوناتىندا «التىن» جۇلدەنى جەڭىپ الدى, دەپ حابارلايدى «قازاقپارات» حاا ءتىلشىسى اۋىر اتلەتيكا فەدەراتسياسىنىڭ ءباسپاسوز قىزمەتىنە سىلتەمە جاساپ.
16 جاسار سپورتشى قىز قوسسايىستا 200 (90+110) كەلى كوتەرىپ, ەرەسەك قاتىسۋشىلار - 20 جاسقا دەيىنگى يۋنيورلار مەن قىزدار اراسىندا ۇزدىك ۇشتىككە كىرۋگە مۇمكىندىك بەردى. ەسكە سالايىق, ازيا بىرىنشىلىگى 24 شىلدە كۇنى كاتماندۋدا (نەپال) باستالدى. قازاقستاننىڭ اتىنان اتالمىش چەمپيوناتقا 7 سپورتشى قاتىسۋدا. جاقىندا عانا اناتولي ساۆەلەۆ جاستار اراسىندا 62 كەلىگە دەيىنگى سالماق دارەجەسىندە جەڭىسكە جەتىپ, يۋنيورلار اراسىندا ەكىنشى ورىندى يەلەندى. بۇگىن ازيا چەمپيوناتىنىڭ تۇعىرىنا بىردەن ءتورت قازاقستاندىق سپورتشى شىعادى: يۋنيور قۇماربەكوۆا گۇلجان (75+/90+ كگ, ب توبى) 12.15 يۋ* مۋپتيلدا ايزادا (90+ كگ, ا توبى) 16.15 ماكەەۆ ميحايل (77 كگ دەيىن, ا توبى) 18.15 بەكتاي اسىلجان (77 كگ دەيىن, ا توبى) 18.15 يۋ* يۋ* - 17 جاسقا دەيىنگى جاسوسپىرىمدەر مەن قىزدار.