كورمە الاڭىنداعى كەزدەسۋلەر قىتاي كومپانيالارىمەن ءتيىمدى جۇمىس ىستەۋ ۇلگىسىن قالىپتاستىرادى. نەگىزگى تاقىرىپ – ينۆەستيتسيالىق ارىپتەستىك دامۋى, بىرلەسكەن جاڭا كاسىپورىندار قۇرۋ جانە ەكى جاقتى تاۋار اينالىمىن ىلگەرىلەتۋ.
ء«بىز قىتايلىق دوستارىمىزبەن جانە سەرىكتەستەرىمىزبەن ىسكەرلىك ارىپتەستىكتى نىعايتۋ ماقساتىندا ەكسپو الاڭىن ءتيىمدى پايدالانۋدامىز. وسىلايشا مەملەكەت باسشىسى نۇرسۇلتان نازارباەۆتىڭ قازاقستان ەكونوميكاسىنا شەتەلدىك ينۆەستيتسيانى تارتۋ بويىنشا تاپسىرماسىن ورىنداۋعا ۇلەس قوسۋ ۇستىندەمىز. بارلىعىمىز قىتايدىڭ ەۋرازيا قۇرلىعىندا جانە الەمدە مويىندالعان ەكونوميكالىق كوشباسشى ەكەنىن بىلەمىز. ءبىزدىڭ كاسىپكەرلەر اۋىل شارۋاشىلىعى, تۋريزم, جاڭا تەحنولوگيالار سالالارىندا ۇلكەن تاجىريبەسى بار كوپ ۇلتتى پروۆينتسيا – يۋننانمەن تانىستى. بۇل شاھار قىتايدىڭ وڭتۇستىك قاقپاسى ەكەنىن جاقسى ءتۇسىنۋىمىز كەرەك. سوندىقتان قازاقستان ايماقتارى وسى پروۆينتسيامەن ىسكەرلىك قارىم-قاتىناستى بارىنشا نىعايتۋ قاجەت», دەيدى ينۆەستيتسيالىق ارىپتەستىك اگەنتتىگىنىڭ باسشىسى ايدىن بايەدىلوۆ.
اسحات رايقۇل,
«ەگەمەن قازاقستان»
سۋرەتتەردى تۇسىرگەن
ورىنباي بالمۇرات,
«ەگەمەن قازاقستان»