ءىس-شاراعا قازاقستانداعى ۋكراينا ىستەرى بويىنشا ۋاقىتشا سەنىمدى وكىلى ۆ.دجيدجورا, ۋكراينا ءسوپ ۆيتسە-پرەزيدەنتى س.سۆيستەل, قر-عى ۋكراينا ەلشىلىگىنىڭ ءباسپاسوز حاتشىسى ي.بلاششۋك قاتىستى.
جيىن بارىسىندا قازاقستانداعى ۋكراينا ىستەرى بويىنشا ۋاقىتشا سەنىمدى وكىلى ۆ.دجيدجورا ەكى ەلدىڭ كوپ عاسىرلىق تاريحى, دوستىعى, ءوزارا تۇسىنىستىگى نەگىزىندە تۋىنداعانىن جەتكىزدى.
– قازاقستان مەن ۋكراينا اراسىنداعى باياندى بايلانىستار جىل سايىن قارقىندى تۇردە قارىشتاپ كەلەدى. وعان ەكى جاقتىڭ دا تيگىزەر اسەرى مول. ەكونوميكالىق, ساۋدا, رۋحاني بايلانىس توڭىرەگىندە جاسالىنعان ءتۇرلى شارالار سونىڭ ايقىن دالەلى دەۋگە بولادى. مەن ەكى ەلدىڭ دوستىق ءداۋىرى جالعاسا بەرەتىنىنە سەنىمدىمىن, - دەدى ۆ.دجيدجورا.
ءباسپاسوز كونفەرەنتسيا بارىسىندا ەكسپو-2017 حالىقارالىق مامانداندىرىلعان كورمەسىندەگى ۋكراينا ۇلتتىق سەكتسياسى كوميسسارىنىڭ ورىنباسارى س.سۆيستيل ەكسپو-2017 حالىقارالىق كورمەسىنىڭ ماڭىزىن اتاپ ءوتتى.
– ەكسپو-2017 – بۇل ۋكرايندىق ەنەرگيالىق كومپانيالارىنا بۇكىل الەمگە ۋكراينادا جاڭارتىلعان ەنەرگەتيكانىڭ ايتارلىقتاي پەرسپەكتيۆالىق دامۋى تۋرالى مالىمدەۋگە مۇمكىندىك بەرەتىن بىرەگەي ءىس-شارا. ءوزارا ءتيىمدى بايلانىس جاساۋ الاڭى, - دەدى س.سۆيستيل.
ەستەرىڭىزگە سالامىز, وسى جىلى ۋكراينا مەن قازاقستان اراسىنداعى ديپلوماتيالىق قاتىناستار ورناتىلعانىنا 25 جىل تولادى.
راۋان قايدار, "ەگەمەن قازاقستان"