ال 2017 جىلدىڭ جارتى جىلدىق كورسەتكىشى بويىنشا جالپى سومماسى 4 513,9 ملن. تەڭگەنى قۇرايتىن 1885 جوبانى قارجىلاندىردى. سونىڭ ىشىندە 939 جوبا مال شارۋاشىلىعى باعىتىندا بولسا, كوكتەمگى ەگىن ەگۋ-جيناۋ جۇمىستارىن ۇيىمداستىرۋ ءۇشىن 1500 ملن. تەڭگەنى قۇرايتىن 880 جوباعا قولداۋ كورسەتكەن.
سونداي-اق, جىلىجايدى كەڭەيتۋ جانە قۇرىلىسىن سالۋ دا «ىرىس» ميكروقارجى ۇيىمىنىڭ جوسپارلى قارجىلاندىرىلۋىنا ەنگەندىكتەن بيىل بۇل سالاداعى 41 جوباعا 148,18 ملن. تەڭگە كولەمىندە نەسيە بەرىلدى. مۇنان بولەك, قۇس شارۋاشىلىعى بويىنشا 5 جوبا, اۋىلشارۋاشىلىق ونىمدەرىن قايتا وڭدەۋدى ۇيىمداستىرۋ, نان – توقاش ونىمدەرىن شىعارۋ مەن وندىرىستىك قىزمەتكە, ساۋدا جانە قىزمەت كورسەتۋ سالاسى مەن بالاباقشا اشۋ سىندى 14 جوبا ماقۇلدانىپ, قولداۋ كورسەتىلدى.
ەلباسىنىڭ كاسىپكەرلىكتى قولداۋ جانە دامىتۋ مىندەتتەمەسىن ورىنداۋ ماقساتىندا قۇرىلعان بۇل مەكەمە ءوز ءىسىن باستايمىن دەگەن ءاربىر كاسىپكەرگە نەمەسە شارۋاعا ارزانداتىلعان, قول جەتىمدى نەسيە تاراتادى.