دەليكاتەستەر زالى بازارعا ەكى اي بويى جۇرگىزىلگەن كۇردەلى جوندەۋ جۇمىسى كەزىندە اشىلدى. عيماراتتىڭ توبەسىن اۋىستىرىپ, جارىقديودتى جارىقتاندىرۋ ورناتىلدى. ەت شاباتىن ورىن قاجەتتى سانيتارلىق قالىپقا كەلتىرىلدى. ەت زالىنا جۇرگىزىلگەن جوندەۋورىندى قوسىمشا 14سورەگە كوبەيتۋگە مۇمكىندىك بەردى.
ۇلتتىق ەت ونىمدەرى دەليكاتەسى بولمەسىندەگى قابىرعالار مەن ەدەننىڭ گيدرويزولياتسيا جاسالدى. توت باسپايتىن جاڭا ۇستەلدەر ورناتىلدى.
«بۇل بولمەدە وپەراتسيا جاساۋ بولمەسىندەگىدەي تازا: سانيتارلىق-گيگيەنالىق جاعداي قاتاڭ ساقتالادى. بولمەگە بەينەباقىلاۋ كامەراسى ورناتىلعان, ال مونيتور جالپى زالعا قويىلعان. ساتىپ الۋشى قازى مەن شۇجىققا تاپسىرىس بەرگەندە ولاردىڭ دايىندالۋ پروتسەسىن باقىلاپ وتىرا الادى», - دەدى «استانا» اكك» ۇك اق اۋەز قارابالاەۆ.
ەكسپو كورمەسىن وتكىزۋ كەزىندەگى وزگەرىستەر تۇتىنۋشىعا قىزمەت كورسەتۋ سالاسىنا تۇبەگەيلى وزگەرىس اكەلدى. بارلىق زالدارداعى ماڭدايشاداعى جازۋلار ءۇش تىلدە: نەمىس, اعىلشىن جانە فرانتسۋز تىلدەرىندە جازىلعان.
«ەگەر شەتەلدىك قوناقتار ساۋدا جاساۋعا ءبىزدىڭ بازارعا كەلەتىن بولسا, شتاتتىق اۋدارماشىنىڭ كومەگىمەن كەز كەلگەن ساۋداسىن جاساي الادى», - دەدى ءا.قارابالاەۆ.
استاناداعى «شاپاعات» كوممۋنالدىق بازارى تۇتىنۋشىلار ەڭ كوپ كەلەتىن ساۋدا ورنى: كۇن سايىن 5 مىڭعا جۋىق ادام ساۋدا جاسايدى. دەمالىس جانە مەرەكە كۇندەرى بۇل كورسەتكىش ەكى-ءۇش ەسەگە كوبەيە تۇسەدى.