جاڭا نۇسقانىڭ بۇعان دەيىنگىدەن ايىرماشىلىعى – جۇمىس بەرۋشىلەر ءوتىنىش, ال ىزدەۋشىلەر ءوزى تۋرالى اقپارات قالدىرادى. قالالىق جۇمىسپەن قامتۋ ورتالىعىنىڭ مالىمەتىنشە, قوسىمشانى جۇكتەپ الۋ كولەمى بۇگىندە 5 مىڭدى قۇرايدى.
موبيلدىك قوسىمشا مەن الەۋمەتتىك جەلىلەردىڭ ارقاسىندا قولدانۋشىلار ەڭبەك نارىعىنداعى بوس جۇمىس ورىندارى تۋرالى ءبىلىپ, كاسىبي ماماندىعىنا قاتىستى تەستتەن وتە الادى, سونىمەن قاتار تۇيىندەمەنى قالاي دۇرىس تولتىرۋ قاجەت, اڭگىمەلەسۋ كەزىندە سۇراقتارعا قالاي جاۋاپ بەرۋ كەرەكتىگى تۋرالى اقپارات الۋعا بولادى. جۇمىس بەرۋشىنىڭ مىندەتتەرى مەن قۇقىقتارى تۋرالى دا اقپارات بار.
سونداي-اق قوسىمشادا جوسپارلانعان شارالار, كۋرستار, بوس جۇمىس ورىندارى جارمەڭكەسى, شەبەرلىك سىنىپتارىنىڭ ءتىزىمى جازىلعان.
«استانا قالاسى اكىمدىگىنىڭ جۇمىسپەن قامتۋ ورتالىعى» كمم ءوز جۇمىسىندا Facebook, تۆيتتەر, ينستاگرام جانە ۆكونتاكتە الەۋمەتتىك جەلىلەرىن بەلسەندى قولدانادى. ولاردا 3 مىڭنان استام قولدانۋشى تىركەلگەن.
قازىرگى ۋاقىتتا استانا جۇمىسسىزدىقتىڭ ەڭ تومەنگى دەڭگەيى بويىنشا الدىڭعى ورىندا تۇر. بۇل كورسەتكىش رەسپۋبليكالىقتان 0,3% پۋنكت تومەن.
ەلوردادا جۇمىسسىزدىق دەڭگەيى 2017 جىلدىڭ ءى توقسانىنا 4,6%-دى قۇرايدى