- ءبىزدىڭ وقۋشىلارىمىزدىڭ قۇندىلىقتارى ءارتۇرلى. كوبىسى مەكتەپتەن كەيىن جوعارى وقۋ ورنىنا ءتۇسىپ, ماماندىق الىپ, كەيىن جۇمىس ىستەگىسى كەلەدى. جاڭا ءبىر نارسەنى ويلاپ تابۋ دەگەندى ەكىنىڭ ءبىرى ويلاي بەرمەيدى. سول تۇرعىدا ءبىز جاڭاشىلدىقتى قۇرۋدى كوزدەيتىن جاستاردى دامىتۋىمىز كەرەك. باسقا وليمپيادالارعا قاراعاندا ءبىزدىڭ ولاردان ەرەكشەلىگىمىز: قازاقستاندىق بايقاۋلاردىڭ كوبىسى تەك ماپاراتتاۋمەن بىتەدى. ديپلوم الىپ, ونى قابىرعاعا ىلەسىڭ – وسىمەن بولدى دەگەندەي. ءبىز بولساق ىرىكتەۋ قورىتىندىسى بويىنشا ەڭ ۇزدىك 10 جوبانى الامىز دا 15 قاراشادان باستاپ ونى ىسكە اسىرا باستايمىز. وقۋشىلار ءوز تاجىريبەسىندە مىقتى يدەيا بولسا, ونى ىسكە اسىرۋعا بولاتىنىنا كوز جەتكىزۋى ءتيىس, ءارى قاراي بيزنەس قۇرۋعا بولادى دەگەنگە سەنۋى كەرەك. بۇل ەلىمىز ءۇشىن پايدالى ءىس, - دەدى مانكەەۆ.
بايقاۋ 4 باعىت بويىنشا وتەدى: IT-تەحنولوگيالار, «جاسىل ەنەرگەتيكا», «تۇرمىستا» (يدەيالار مەن كۇندەلىكتى ومىردە قاجەت بولاتىن زاتتار, تۋىندىلار).
10 قازاقستاندىق ساراپشى مەن تانىمال بيزنەسمەندەر ەڭ ۇزدىك جوبالارعا قولداۋ كورسەتەدى. ولاردىڭ ىشىندە: ۆتب كاپيتال 12BF باس ديرەكتورى ءادىل نۇرعوجين جانە TheSummerStartupSchool.com مەكتەبىنىڭ نەگىزىن قالاۋشى ارمان سۇلەيمەنوۆ.
ارمان سۇلەيمەنوۆتىڭ سوزىنە قاراعاندا, بالالار بايقاۋعا قاتىسۋ ارقىلى وزدەرىنىڭ ارمان-ماقساتتارىنا جەتۋدە العا قادام باسادى, جۇمسالعان كۇش-جىگەر مىندەتتى تۇردە اقتالادى.
- ءۇش جىل قاتارىنان ءبىز جازعى مەكتەپ ءۇشىن باعدارلامالاۋ ماشىقتارى بار ادامداردى ىزدەستىرىپ, تابامىز جانە ولاردىڭ دەڭگەيىن جوعارىلاتامىز, ياعني ءموبيلدى ازىرلەۋشى دەڭگەيىنە دەيىن جەتكىزەمىز. جىل سايىن ءبىز 1000-نان استام ءوتىنىش قابىلداپ, ولاردىڭ ىشىنەن 130 ادامدى ىرىكتەپ الامىز. ولاردى 600 جۇمىس ساعاتى كۇتىپ تۇرادى: يدەيا قۇرۋدان باستاپ ونى قالاي جۇزەگە اسىرۋ قاجەت, يدەيانىڭ جۇزەگە اسىرىلۋ تەتىكتەرى, سىرى سىندى سارىندا تاربيەلەيمىز. بۇل وليمپيادا ءوز جوباسىن جۇزەگە اسىرىپ, ءوز كاسىبىن اشۋدا تاپتىرماس مۇمكىندىك. ءوتىنىش تولتىرۋعا 15 اق مينۋت كەتەدى. دەگەنمەن ناتيجە سوعان تۇرارلىق. العا قادام جاساۋدان قورىقپاۋ كەرەك, - دەدى ول.
وقۋشىلار اراسىندا يننوۆاتسيالىق جوبالاردىڭ ۇلتتىق وليمپياداسىنىڭ جوباسىنا وتىنىشتەردى قابىلداۋ 15 قازانعا دەيىن جالعاسادى. «قازاقستان-2050» جالپىۇلتتىق قوزعالىس سايتىندا بايقاۋعا قاتىسۋ ءۇشىن ءوتىنىش بەرىپ, تىركەلۋگە بولادى.