« ۇلى جiبەك جولى. كونە تارازدان اسقاق استاناعا تارتۋ» ەتنوكەرۋەن قازاقستان استاناسىنا جامبىل كۇندەرىنىڭ وتۋىنە بايلانىستى كەلدى. قوناقتاردى كۇتىپ الۋ سالتاناتى ەلوردالىق «عاشىقتار» ساياباعىندا ءوتىپ, وعان استانا اكىمى اسەت يسەكەشەۆ قاتىستى.
بەس كۇن بويى استانادا وبلىستىق تاريحي-ولكەتانۋ مۋزەيىنىڭ «تاراز – تاريحتىڭ التىن دiڭگەگi» كورمەسى وتەدى.
كورمەدە ساق داۋىرىنەن قازاق حاندىعى قۇرىلعانعا دەيىنگى 300-دەن استام جادىگەر نازارعا ۇسىنىلادى. قالا تۇرعىندارى مەن قوناقتارى قازبا جۇمىستارى كەزىندە تابىلعان تاريحي ينستاللياتسيالاردى, تيىنداردى, قۇمىرالاردى جانە تارازدىق قىل قالام شەبەرلەرىنىڭ سۋرەتتەرىن تاماشالاي الادى.
ەلوردادا جامبىل وبلىسىنىڭ كۇندەرى اياسىندا مەرەكەلىك كونتسەرتتەر, كورمەلەر, تەاترلاندىرىلعان قويىلىمدار ۇيىمداستىرىلادى. وعان وبلىستىق فيلارمونيانىڭ, وبلىستىق قازاق دراما تەاترىنىڭ, «الاتاۋ» فولكلورلىق ءانسامبلىنىڭ ۇجىمدارى مەن بەلگىلى انشىلەر مەن كومپوزيتورلار قاتىسادى.
قالالىق «قازانات» يپپودرومى الاڭىنداعى ەتنواۋىلدا شەبەرلەر اۋىلى ورنالاستىرىلادى. ال «قازاقستان» سپورت كەشەنى اۋماعىندا وتەتىن اۋىلشارۋاشىلىق جارمەڭكەسىندە ەلوردانىڭ تۇرعىندارى مەن قوناقتارى ساۋدا جاساي الادى.