26 شىلدە كۇنى ساعات 20:00-دە «استانا ارەنا» ستاديونىندا «استانا» – «لەگيا» كوماندالارى اراسىدا چەمپيوندار ليگاسىنىڭ ماتچى وتەدى. قالا تۇرعىندارى مەن قوناقتارى سپورت الاڭىنا 11 قوعامدىق كولىكپەن جەتە الادى: № 10, 12, 27, 37, 40, 51, 53, 501, 502, 503, 506. بۇل تۋرالى قالالىق اكىمدىكتىڭ ءباسپاسوز قىزمەتى حابارلادى.
ساعات 18.00-دەن «استانا ارەنا» سپورت كەشەنىنە جانكۇيەرلەردى جەتكىزۋ ءۇشىن 4 جەردەن ارنايى اۆتوبۋستار ۇيىمداستىرىلادى. ارنايى اۆتوبۋسپەن جەتۋ ءۇشىن «قازاقستان» سك, «نۇر استانا» مەشىتى, استانالىق تسيرك جانە «جاستار» سارايىنىڭ الدىنا بارۋ قاجەت. جول اقىسى – 90 تەڭگە, جول ءجۇرۋ بيلەتى جارامسىز.
ويىن اياقتالعان سوڭ قالاعا № 10, 12, 28, 40, 51, 303 قوعامدىق كولىكتەرمەن جەتۋگە بولادى. ساعات 21.00-دەن قابانباي باتىر داڭعىلى بويىنشا ستاديوننىڭ تۇراعى مەن «استانا ارەنا ستاديونى» ايالداماسىندا جانكۇيەرلەردى قالاعا اپاراتىن اۆتوبۋستار ۇيىمداستىرىلادى. سونداي-اق «استانا ارەنا» ستاديونىنىڭ تۇراق الاڭىنا قالالىق تاكسيدىڭ رەسمي تاسىمالداۋشىلارى كەلەتىن بولادى.