وسى ايدىڭ باسىنان جۇزەگە اسىرىلا باستاعان جۇيە بويىنشا تۋ تۋرالى كۋالىك, نەكەنى تىركەۋ جانە قايتىس بولعانى تۋرالى انىقتاما نەبارى ءۇش ساعاتتا دايىن بولادى. استانادان باستالعان جوبا ەندى الماتى قالاسى مەن رەسپۋبليكامىزدىڭ 10 وبلىسىن قامتىپ وتىر.
«ازاماتتارعا ارنالعان ۇكىمەت» مەملەكەتتىك كورپوراتسياسى» كە اق باسقارما توراعاسى ابىلايحان وسپانوۆتىڭ ايتۋىنشا, جوبانىڭ ماڭىزى – «ە-حقكو» بىرىڭعاي قىزمەت كورسەتۋ ورتالىعىنىڭ قاعيداتى بويىنشا جۇرتشىلىققا بارىنشا جىلدام قىزمەت كورسەتۋىندە.
قاناتقاقتى جوبا ىسكە اسىرىلعالى جەدەلدەتىلگەن رەجىمدە 462 مەملەكەتتىك قىزمەت كورسەتىلگەن. سونىڭ ىشىندە 428 تۋ تۋرالى كۋالىك, 17 قايتىس بولۋدى تىركەۋ, 17 سوتتىڭ شەشىمى بويىنشا نەكەنى بۇزۋ قۇجاتتارى بەرىلگەن.
بۇرىن ازاماتتىق حال اكتىلەرىن تىركەۋ باعىتتارى بويىنشا بۇل قۇجاتتاردى دايىنداۋعا بىرەر جۇمىس كۇنى كەتەتىن. مىسالى, قايتىس بولۋدى تىركەۋ – ءبىر جۇمىس كۇنى ىشىندە, بالا تۋدى تىركەۋ جانە 2008 جىلدان كەيىن تىركەلگەن, زاڭدى كۇشىنە ەنگەن سوت شەشىمىنىڭ نەگىزىندە نەكەنى بۇزۋدى تىركەۋ 2 جۇمىس كۇنى ىشىندە جۇزەگە اسىرىلعان.
ەسكەرتەتىن جايت, ەگەر اتالعان مەملەكەتتىك قىزمەتتەردى رەسىمدەۋگە بايلانىستى وتىنىشتەر ساعات 17.00-دەن كەيىن تۇسكەن بولسا, وندا قۇجاتتار كەلەسى كۇنگە قالىپ, ساعات 12.00-گە دەيىن بەرىلەدى.
ابىلايحان وسپانوۆتىڭ مالىمەتىنشە, بۇرىن لوگيستيكاعا ۋاقىت جوعالتاتىن قىزمەتكەرلەر ەندى ەشقايدا قوزعالماي, جازبالارعا وزگەرىس ەنگىزۋدى سول جەردە ورىندايتىن بولادى. وسى ماقساتتا حالىققا قىزمەت كورسەتۋ ورتالىقتارىندا احات قىزمەتكەرلەرىنىڭ جۇمىس ورىندارى ۇيىمداستىرىلىپتى.
قىمبات توقتامۇرات, «ەگەمەن قازاقستان»