جيىندا ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن ىسكە اسىرۋ اياسىنداعى تەحنولوگيالىق جاڭعىرتۋ ماسەلەلەرى بويىنشا پىكىر الماستىرىلدى.
كەزدەسۋ بارىسىندا پاۆلودار وبلىسىنىڭ اكىمى ب. باقاۋوۆ ەل پرەزيدەنتى جولداۋىنىڭ وڭىردە ىسكە اسىرىلۋى تۋرالى, سونىمەن قاتار ءونىمدى جۇمىسپەن قامتۋ مەن جاپپاي كاسىپكەرلىكتى دامىتۋ باعدارلاماسى اياسىندا جاڭا جۇمىس ورىندارىن اشۋ مەن سەرۆيستىك ەكونوميكانى دامىتۋ شارالارى تۋرالى باياندادى.
كەڭەستە كاسىپورىنداردى جاڭعىرتۋ جوسپارلارى تۋرالى «ەۋرازيا توبى» جشس باسقارما توراعاسى ا. قازتاەۆتىڭ, «Kaz Minerals PLC» باسقارما توراعاسى و. نوۆاچۋكتىڭ, «KSP Steel» جشس باس ديرەكتورى ە. كرەيمەردىڭ, «بوگاتىر كومىر» جشس باس ديرەكتورى س. رايپوۆتىڭ باياندامالارى تىڭدالدى.
ونەركاسىپتىك كاسىپورىنداردىڭ وكىلدەرى وتىن-ەنەرگەتيكالىق كەشەن نىساندارىنىڭ قۇرىلىسىنا قاتىستى ماسەلەلەردى قوزعادى, بۇل تۋرالى قر ينۆەستيتسيالار جانە دامۋ ءمينيسترى ج. قاسىمبەك پەن قر ەنەرگەتيكا ءمينيسترى ق. بوزىمباەۆ تۇسىنىكتەمە بەرىپ ءوتتى.
زاماناۋي تەحنولوگيالىق جابدىقتا جۇمىس جاسايتىن مامانداردى دايارلاۋ ماسەلەسىنە ەرەكشە كوڭىل ءبولىندى. اتالعان تاقىرىپ بويىنشا قر ءبىلىم جانە عىلىم ۆيتسە-ءمينيسترى ب. اسىلوۆا ءسوز سويلەدى.
قر پرەمەر-ءمينيسترى باقىتجان ساعىنتاەۆ ءوڭىردىڭ ونەركاسىپتىك كاسىپورىندارى باسشىلارىنىڭ نازارىن الەمدىك نارىقتاردا ونىمدەردىڭ باسەكەگە قابىلەتتىلىگىن ارتتىرۋ ماقساتىمەن ونەركاسىپتىك ۇدەرىستەردى تسيفرلاندىرۋ مەن روبوتتاندىرۋ مىندەتتەرىن شەشۋ ماسەلەسىنە اۋداردى. اتالعان ماسەلەلەر قاراعاندى وبلىسىنداعى كوشپەلى كەڭەس كەزىندە تولىعىراق تالقىلاناتىن بولادى. وندا ەلىمىزدىڭ بارلىق جۇيە قۇرۋشى كاسىپورىندارىن تەحنولوگيالىق جاڭعىرتۋ بارىسى قارالادى.