تابىستالعان سەرتيفيكاتتىڭ 26-سى وتاندىق وندىرۋشىدەن 16 سۋ جاڭا اۆتوكولىك ساتىپ الۋعا پايدالانىلعان. ەكى سەرتيفيكاتتى قوسۋ (315 000 تەڭگە + 315 000 تەڭگە = 630 000 تەڭگە) ارقىلى 10 جاڭا كولىك ساتىپ الىنعان.
توزعان كولىكتى وتىكىزىپ, جەڭىلدىك سەرتيفيكاتىن الۋ باعدارلاماسى بويىنشا پاۆلودار قالاسى الدا تۇر. اتالعان قالادا 43 كولىك تاپسىرىلعان. ەكىنشى ورىندا 27 كولىك وتكىزگەن قوستاناي قالاسى. ۇزدىك ۇشتىكتى 7 ماشينا تاپسىرعان الماتى قالاسى تۇيىندەگەن. جويۋعا تاپسىرىلعان كولىكتىڭ 104 جەڭىل, 17 جولاۋشىلار جانە 1 جۇك كولىگى. جەڭىلدىك سەرتيفيكاتى بويىنشا وتكىزىلگەن تەحنيكالاردىڭ شىعارىلعان جىلى 1980 – 1993 ج ارالىعىن قامتيدى.
ەسكى كولىكتەردى جويۋعا تاپسىرىپ, جاڭا كولىك ساتىپ الۋعا جەڭىلدىك بەرەتىن سەرتيفيكات باعدارلاماسى 2017 جىلدىڭ 26 ماۋسىم ايىنان باستاپ ىسكە قوسىلدى. باعدارلاما تالابى بويىنشا جەڭىل كولىكتەن باستاپ, جولاۋشىلار جانە جۇك ماشينالارى قابىلدانادى.
باعدارلاما بويىنشا ەكى سەرتيفيكاتتى بىرىكتىرىپ, كەز كەلگەن ساناتتاعى كولىك قۇرالىن ساتىپ الۋعا بولادى. جانە دە بەرىلگەن سەرتيفيكاتتى وزگە تۇلعانىڭ اتىنا ەكى رەتتەن ارتىق قايتا تىركەۋگە بولمايدى. سەرتيفيكات بەرىلگەن كۇننەن باستاپ 12 ايعا جارامدى. بۇگىنگى تاڭدا وكم وپەراتورى توزىعى جەتكەن كولىك قۇرالدارىن ساتىپ الۋ جانە سەرتيفيكات بەرۋ باعدارلاماسى بويىنشا باس اياعى – 27 712 اۆتوكولىك قابىلدادى.