الماتى وبلىسىنداعى الاكول جاعالاۋىندا دۋاتلون جارىسى باستالدى. العاش رەت ۇيىمداستىرىلعان شاراعا مəدەنيەت جانە سپورت ءمينيسترى ارىستانبەك مۇحامەدي ۇلى, سيدنەي وليمپياداسىنىڭ جەڭىمپازى ەرماحان ىبرايىموۆ, ريو-دە-جانەيرو وليمپياداسىنىڭ كۇمىس مەدال يەگەرى ادىلبەك نيازىمبەتوۆ, ءانشى جەڭىس سەيدوللا سىندى بىرقاتار ازاماتتار ارنايى كەلدى.
جارىسقا حالىقارالىق دارەجەدەگى تورەشى يۋري پورتنياگين قازىلىق ەتۋدە. «الاكول - 2017» وبلىستىق جارىسقا 70-كە جۋىق ادام قاتىسىپ جاتىر. ولار جاس ەرەكشەلىكتەرىنە بايلانىستى ءۇش سانات بويىنشا ماراپاتتالادى. قاتىسۋشىلار جالپى 14 شاقىرىم جولدى جۇگىرىپ جانە ۆەلوسيپەدپەن ءجۇرىپ وتەدى. ماسەلەن, 2 شاقىرىمدى - جاياۋ, 10 شاقىرىمدى - ۆەلوسيپەدپەن, ودان كەيىن تاعى 2 شاقىرىمدى جاياۋ ەڭسەرەدى. سپورتتىق دوداعا قاتىسۋشىلاردىڭ ەڭ جاسى 16 جاستا بولسا, ەڭ ۇلكەنى 60-قا تاياپ قالعان. قر مادەنيەت جانە سپورت ءمينيسترى ارىستانبەك مۇحامەدي ۇلى دا شاراعا ءوز ۇلەسىن قوسىپ - سپورتشىلارمەن بىرگە جارىسقا قاتىسىپ جاتىر. ەسترادا جۇلدىزدارى ءان شىرقاپ, كەشتىڭ كوركىن قىزدىرۋدا.