شارشى الاڭعا ءۇشىنشى بولىپ شىققان ەريسلاندي ساۆون «ارلان» انتون پينچۋكتى 3:0 ەسەبىمەن جەڭىپ كەتتى.
91 كەلىدە سىنعا تۇسكەن تاجىريبەلى ساۆون ءبىرىنشى راۋندتان باستاپ بەلسەندىلىك تانىتتى. كۋبالىقتىڭ جاڭبىرداي جاۋعان سوققىلارىنا پينچۋك قاۋقار كورسەتە العان جوق.
ايتا كەتۋ كەرەك, اۋەلدە «ارلاندار» ساپىنان بۇل كيلوگرامدا فينالدىق كەزدەسۋگە ۆاسيلي لەۆيت شىعاتىن بولعان. الايدا, ول بايقاۋسىزدا قولىن جاراقاتتاپ الىپ, رينگكە شىعا المايتىن بولدى. ەريسلاندي ساۆوندى وليمپيادانىڭ ءۇش دۇركىن چەمپيونى, اتاقتى بوكسشى فەليكس ساۆوننىڭ جيەنى. انتون پينچۋك ءبىر سۇحباتىندا قارسىلاسىن ك ۇلىپ ءجۇرىپ جەڭەتىنىن ايتقان-دى. بۇل جولى انتوننىڭ ءادىسى كۋبالىق «قابىلانعا» وتكەن جوق.
دۇنيەجۇزىلىك بوكس سەرياسىنىڭ (WSB) جەتىنشى ماۋسىمداعى فينالدىق جەكپە-جەگى ءدال قازىر استاناداعى «قازاقستان» سپورت كەشەنىندە ءوتىپ جاتىر.