ءورت كوكالات ەلدى مەكەنىنەن 35 شاقىرىم جەردەگى«كۇزدiك كاراسۋ» دەگەن جايىلىمدا ورىن العان. قىزىل جالىن 320 گەكتاردى قامتىعان. ءورت بولعان جەردەن «ايدار» شارۋا قوجالىعى شوپانىنىڭ مۇردەسى تابىلعان. سونىمەن قاتار 1 مىڭنان اسا ۋاق مال قىزىل وتقا كۇيىپ قىرىلعان.
ء«ورتتى سوندىرۋگە اۋدان اۋماعىنداعى اقكول ەرىكتى ءورت ءسوندىرۋ قۇرىلىمىنان, «التىن دالا» تابيعات قورعاۋ كاسىپورنىنان بارلىعى 86 ادام, 23 تەحنيكا جۇمىلدىرىلدى. نەگىزگى كومەك 6 شىلدەدە جەتكىزىلگەن. دالانىڭ جەلى ءورتتى كۇشەيتىپ جىبەرگەن. قازىر ءورت تولىق ءسوندىرىلدى» دەدى ازامات نۋباي ۇلى.
5 شىلدەدە باستالعان ءورت 8 شىلدەدە ءبىر-اق اۋىزدىقتالعان. ادام مەن مال شىعىنىنىڭ بولۋ سەبەبى ءورتتىڭ ۋاقىتىندا سوندىرىلمەگەندىگىنەن, تەحنيكانىڭ ازدىعىنان دەگەن اقپاراتتار بار ەكەندىگىن ايتتى جۋرناليستەر. ازامات نۋباي ۇلىنىڭ ايتۋىنشا, جانكەلدين اۋداندىق توتەنشە جاعدايلار بولىمىندە 3 تەحنيكا, 14 جەكە قۇرام بار. ال جۋرناليستەر جەرگىلىكتى جەردەن جەتكەن اقپاراتتار اۋداندىق توتەنشە جاعدايلار بولىمىندە 2 تەحنيكا عانا بار, ونىڭ ء بىرى اقاۋى بار, جارامدىلىعى ناشار كورىنەدى دەگەندى ايتتى .
جىل باسىنان بەرى تورعاي وڭىرىندە وننان اسا دالا ءورتى ورىن العان. قازىر ارنايى قۇرىلعان كوميسسيا ءورتتىڭ شىعۋ سەبەبىن انىقتاۋ, ولگەن مالدى, شارۋاشىلىققا كەلگەن شىعىندى ەسەپتەۋ جۇمىستارىن جۇرگىزىپ جاتىر. كوميسسيانىڭ تولىق قورىتىندىسى ءالى شىققان جوق.
اۋىزەكى جەتكەن اقپارات بويىنشا, ءورت ىشىندە قالعان 56 جاستاعى شوپاننىڭ ارتىندا 8 بالاسى قالعان.
ءنازيرا جارىمبەتوۆا,
«ەگەمەن قازاقستان»
قوستاناي