بۇگىندە الەمدىك قوعامداستىق ءۇشىن قازاقستان مەن استانا اتاۋلارى ەگىز ۇعىمعا اينالىپ كەتتى. بۇل ۇعىم قارىشتاپ دامۋ مەن ءورىستى وركەندەۋدىڭ ونەگەلى ۇلگىسى رەتىندە ورنىقتى.بىزدەر, قازاقستاندىقتار, استانانى اسقاقتاتۋ ارقىلى دۇنيە جۇزىندە ءوزىمىزدى –كەلەشەگى كەمەل, الەۋەتى قۋاتتى مەملەكەت ەكەنىمىزدى تانىتتىق .استانامىزدىڭ 20 جىل ىشىندەگى جەتكەن جەتىستىكتەرىنە كۋا بولدىق.
استانامىزدىڭ مەرەيتوي قارساڭىندا اۋداندىق ورتالىق بالالار كىتاپحاناسىنىڭ ۇيىمداستىرۋىمەن «ەلىمىزدىڭ جۇرەگى استانا» اتتى تاسقا سۋرەت سالۋ سايىسى ءوتتى. ءىس-شارا بارىسىندا بۇلدىرشىندەر استانامىزدىڭ بولاشاعىن ءوز ويلارىن تاسقا ءتۇسىرىپ, كوپشىلىك قاۋىمعا تانىستىرىلىپ, ءان شىرقالىپ, بالدىرعاندار ءوز تاقپاقتارىن ناقىشىنا كەلتىرىپ جاتقا ايتتى. وسىنداي كوڭىلدى كەشىمىزگە اۋدانىمىزدىڭ «بالدىرعان», «جۇپار», «قالامقاس» بالاباقشالارىنىڭ بۇلدىرشىندەرى قاتىستى. سايىس ناتيجەسى بويىنشا 1-ورىنعا اسىل ءادىلحانوۆا, (جۇپار بالاباقشاسى) يە بولدى. 2-ورىنعا نارگيز قامبار (بالدىرعان) بالاباقشاسى, 3-ورىنعا ايساۋلە تاسبولاتوۆا (قالامقاس) بالاباقشاسى يە بولدى. كەش سوڭىندا بۇلدىرشىندەر ماراپاتتالىپ, سىيلىقتار بەرىلدى.
ز. مۋساباەۆا,
اۋداندىق ورتالىق بالالار
كىتاپحاناسىنىڭ مەڭگەرۋشىسى
قوستاناي وبلىسى,
امانكەلدى اۋدانى