استاناداعى «بارىس ارەنا» مۇز سارايىندا وتكەن «قازاقسان بارىسى – 2017» تۋرنيرىندە جەڭىمپاز اتانعان ەلامان ەرعاليەۆ جەڭىستەن كەيىنگى اسەرىمەن ءبولىستى.
«تۋرنيرگە العاش رەت قاتىسىپ جاتقان سوڭ جارىس الدىندا ازداپ قوبالجۋ بولعانىن جاسىرمايمىن. فينالعا شىققاننان كەيىن قوبالجۋىمدى جەڭىپ, ءوز-وزىمەن سەنىمدى بولا باستادىم. ءبىرىنشى اللانىڭ قالاۋىمەن, ەكىنشى دايىندىعىمنىڭ ناتيجەسى ارقاسىندا جەڭىسكە جەتتىم دەسەم بولادى. جەڭىستىڭ وڭاي كەلمەگەنىن وزدەرىڭىزدەر دە كوردىڭىزدەر. قارسىلاستارىمنىڭ بارلىعى تاجىريبەلى, بۇرىننان جۇلدەگەر, چەمپيون بولىپ جۇرگەن ازاماتتار. سوندىقتان, جەڭىسكە جەتۋ وڭاي بولعان جوق», دەدى.
ايتا كەتەيىك, جەتىنشى رەت ۇيىمداستىرىلعان «قازاقستان بارىسى-2017» ءتۋرنيرىنىڭ قورىتىندىسى بويىنشا ەلامان ەرعاليەۆ باس جۇلدەنى يەلەنسە, ۇلان رىسقۇل ەكىنشى, ايبەك نۇعىماروۆ ءۇشىنشى ورىندى مىسە تۇتتى.