قازىر تۇرعىن-ءۇي كەشەندەرىندە ادامدار تۇرىپ جاتىر, دەگەنمەن قۇرىلىس سالۋشىلار باسپانانى پايدالانۋعا بەرۋ تۋرالى رۇقسات قۇجاتتارىن راسىمدەۋ بويىنشا جۇمىستى اياقتاماعان.
بۇل ماسەلەنىڭ شەشىمى سوزىلىپ كەتۋىنە بايلانىستى جاعدايدى استانا قالاسى اكىمدىگى جانىنداعى تۇرعىن-ءۇي قۇرىلىسىنا ۇلەسكەرلىكپەن قاتىسۋ جونىندە ۆەدومستۆوارالىق كوميسسيا قاتاڭ باقىلاۋعا الدى. قازىرگى ۋاقىتتا قر ىشكى ىستەر مينيسترلىگى اق-عا قاتىستى بوتەن م ۇلىكتى جىمقىرۋ فاكتىسى بويىنشا قىلمىستىق ءىس قوزعادى. باسشىلىق قاماۋعا الىندى.
اتاپ كەتكەن ءجون, ۆەدومستۆوارالىق كوميسسيا بۇعان دەيىن نىسانداردى پايدالانۋعا بەرۋ ءۇشىن رۇقسات قاعازدارىن ازىرلەۋ بويىنشا قۇجاتتاردىڭ بولۋ كەرەكتىگىن باسپانا سالۋشىعا ەسكەرتكەن بولاتىن. ۇلەسكەرلەرگە تۇرعىن-ءۇي-قۇرىلىس كووپەراتيۆتەرىن قۇرىپ, قۇرىلىس-مونتاجداۋ جۇمىستارىنىڭ اياقتالۋىن ەسەپكە الۋمەن تقك پايداسىنا نىسانداردى وتەۋ بويىنشا جۇمىستاردى اتقارۋعا كەڭەس بەرىلدى. الايدا پاتەر يەلەرى جۇمىستارىن اياقتاۋعا قاتىستى ءالى كۇنگە دەيىن قانداي شارا قابىلداۋ كەرەكتىگى جونىندە ءبىر ناقتى شەشىمگە كەلمەگەن.