قول قويىلعان قۇجات قازاقستان قور بيرجاسى مەن الماتى قالاسىنىڭ وڭىرلىك قارجى ورتالىعىنىڭ ءوزارا ءتيىمدى, ءارى ۇزاق مەرزىمگە قويان-قولتىق قىزمەت ەتۋىنە سەپتەسەدى. جانە بۇل مامىلە KASE ينتەرنەت-رەسۋرسىندا اوقو را اقپاراتتىق جانە تالدامالىق ماتەريالدارىن جاريالاۋ ارقىلى, سونداي-اق, KASE تىزىمىنە كىرەتىن كومپانيالاردىڭ نەسيەلىك رەيتينگتەرى تۋرالى مالىمەتتەرىن جاريالاۋ ارقىلى جۇزەگە اسىرىلادى.
«قور نارىعىن دامىتۋ ماڭىزدى باعىتتاردىڭ ءبىرى. بۇل ەل ەونوميكاسىنىڭ تيىمدىلىگىن ارتتىرۋعا ىقپال ەتەدى. قازىردىڭ وزىندە قازاقستان قور بيرجاسى امبەباپ قارجى الاڭىنا اينالىپ, نارىققا قاتىسۋشىلار ساۋدا-ساتتىق الاڭىندا جاسالاتىن تاۋەكەلدەردىڭ ءتۇبى قايىرلى بولۋىنا مۇددەلى. قاشىقتان بەرىلگەن رەيتينگتەر بولجامدى تاۋەكەلدەر تۋرالى بەلگىلى ءبىر تۇسىنىكتىڭ پايدا بولۋىنا كومەكتەسەدى. بىراق ەندىگى جەردە ۇلتتىق نەسيەلىك رەيتينگتەردى جاريالاپ وتىرۋ قازاقستاندىق ليستينگىلىك كومپانيالار ءۇشىن تۇراقتى تاجىريبەگە اينالىپ, وسى باعىتتا ءارى قاراي جىلجۋعا جول اشادى», – دەدى «قازاقستان قور بيرجاسى» اق باسقارما توراعاسىنىڭ ورىنباسارى ناتاليا حوروشەۆسكايا.
ءوز كەزەگىندە «الماتى قالاسىنىڭ وڭىرلىك قارجى ورتالىعىنىڭ رەيتينگ اگەنتتىگى» اق باسقارماسىنىڭ ءتورايىمى ايگۇل تاسبولات حالىقارالىق شكالامەن قاتار, ۇلتتىق شكالا بويىنشا رەيتينگتەر بەرۋ – دۇنيەجۇزى بويىنشا ينۆەستورلاردىڭ تاۋەكەلدەرىن باسقارۋ تيىمدىلىگىن ارتتىرۋعا كومەكتەسەتىن جانە نەسيەلىك تاۋەكەلدى باعالاۋدىڭ ەتالونى بولىپ تابىلاتىندىعىن اتاپ ءوتتى.
ايناش ەسالي, «ەگەمەن قازاقستان» الماتى