قاراعاندىنىڭ جول-پاترۋلدىك پوليتسەيى, اعا سەرجانت سالامات تەمىرباەۆ ءوزىنىڭ ەڭبەك دەمالىسىنىڭ قاراجاتىن قاراعاندى قالاسىنداعى «دامۋ مۇمكىنشىلىكتەرى شەكتەلگەن بالالار ءۇيىنىڭ» بالدىرعاندارىنا تابىستادى. تابىستاپ قانا قويماي, بالالاردى ورتالىق ساياباقتا سەرۋەندەتىپ, شاتتىق نۇرىن شارتاراپقا شاشتى.
2012 جىلدان باستاپ ىشكى ىستەر ورگاندارىندا قىزمەت اتقارىپ كەلە جاتقان جومارت جۇرەك پوليتسەيدىڭ بيىلعى ەڭبەك دەمالىسى ورازا ايىنا سايكەس كەلىپتى. اكەسى ماعازدىڭ وسيەتىن زەردەسىنە توقىپ وسكەن سالامات, ناعىز قازاقى قالىپپەن تاربيە كورگەن ازامات ەكەنىن تانىتتى. ساۋاپتى ىسكە ءدان ريزا بولعان بالالار ءتۇرلى اتتراكتسيونداردا ويناپ, ءبىر ساتكە بولسىن دۇنيە-دۋماندى الاڭسىز كەشىردى. قازاقتا «جەتىم كورسەڭ جەبەي ءجۇر» دەگەن ناقىل بار. سالاماتتىڭ بۇگىنگى جاساعان ساۋابى – ەرتەڭگى كۇننىڭ جاۋابى ەكەنىن ۇعىنعان ءجون. ءبىز ەرتەڭ ۇتساق, قاراجاتى بار ەل ەمەس, سالاماتى بار ەلى رەتىندە وركەنيەتتىڭ الدىنا تۇسەمىز.
ميراس اسان, «ەگەمەن قازاقستان»
قاراعاندى وبلىسى