«مەن قازاقستانعا, اسىرەسە, استاناعا كەلگەنىمە وتە قۋانىشتىمىن. قازاق ەلىنىڭ ەكسپو-2017 حالىقارالىق كورمەسىن وتكىزىپ جاتقانىنا قۋانامىن جانە ماقتان تۇتامىن. جاڭا عانا «نۇر الەم» پاۆيلونىندا بولىپ, عيماراتتىڭ وتە ساپالى سالىنعانىنا كوز جەتكىزدىم. بۇعان دەيىن تالاي حالىقارالىق كورمەلەرگە قاتىسسام دا مۇنداي پاۆيلوندى ومىرىمدە كورگەن ەمەسپىن», دەپ اعىنان جارىلدى مينيستر. جيىندا قاتار ۇكىمەتىنىڭ وكىلى جاسىل تەحنولوگيانى دامىتۋدا قازاقستانمەن بىرگە جۇمىس ىستەۋگە دايىن ەكەندىكتەرىن جەتكىزدى. «قاتار مۇناي مەن گازعا باي ەل ەكەندىگىنە قاراماستان, بالامالى ەنەرگەتيكا مەن جوعارى تەحنولوگيا ماسەلەلەرىنە ايرىقشا نازار اۋدارادى. ءبىز جاسىل تەحنولوگيانى دامىتۋدا قازاقستانمەن بىرگە جۇمىس ىستەۋگە دايىنبىز جانە ءوزارا ءتيىمدى سەرىكتەستىك قاتىناس قۇرۋدان ءۇمىتىمىز بار», دەدى ول. سونىمەن قاتار, سولتان بين ءال-مۋرايحي ءشول دالاداعى شاعىن مەملەكەتتىڭ قىسقا ۋاقىت ىشىندە ەكونوميكالىق كورسەتكىشتەرى جوعارى, الدىڭعى قاتارلى مەملەكەتكە قالاي اينالعانىن دا اڭگىمەلەدى. ەكى ەلدىڭ مەملەكەتتىك تۋلارى كوتەرىلىپ, ءانۇرانى وينالعان باسقوسۋدان سوڭ, كوپشىلىك تاياۋ شىعىستاعى تانىمال انسامبلدەردىڭ ءبىرى «Maqam Ensemble» ۇجىمىنىڭ ونەرىن تاماشالادى. اراب ونەرىنىڭ رۋحى مەن ەرەكشەلىكتەرىن ساقتاي وتىرىپ, كلاسسيكالىق اراب مۋزىكاسىنا زاماناۋي ينتەرپرەتاتسيادا ورىنداۋعا ماشىقتانعان ارتىستەردىڭ ءان-جىرى كورەرمەننىڭ ىستىق ىقىلاسىنا بولەندى.
اسحات رايقۇل, «ەگەمەن قازاقستان», سۋرەتتەردى تۇسىرگەن ورىنباي بالمۇرات, «ەگەمەن قازاقستان