ۆەلوسپورت بويىنشا جىلدىڭ باس باسەكەسى ءبىرىنشى شىلدەدە گەرمانيانىڭ ديۋسسەلدورف قالاسىنان باستاۋ الادى.
قازاقستاندىق «استانا» ۆەلوسپورت كلۋبى بيىلعى جارىسقا توعىز ۆەلوشاباندوزدى قاتىستىرماق. ولاردىڭ تورتەۋى قازاقستاندىق سپورتشى.
«تۋر دە فرانس-2017» تۋرنيرىنە قاتىساتىن «استانا» كلۋبىنىڭ قۇرامى: باقتيار قوجاتاەۆ, الەكسەي لۋتسەنكو, اندرەي زەيتس, دميتري گرۋزدەۆ ء(بارى – قازاقستان),فابيو ارۋ, داريو كاتالدو (ەكەۋى دە – يتاليا), ياكوب فۋلسانگ, ميحاەل ۆالگرەن (ەكەۋى دە – دانيا) جانە اندرەي گريۆكو (ۋكراينا).
بيىلعى جارىس 21 كەزەڭنەن تۇرادى. ونىڭ توعىزى تەگىس جولدا, بەس كەزەڭ ورتا تاۋلى جانە بەس تاۋلى كەزەڭ بولادى. ەكى كەزەڭ جەكەلەي باسەكە بولسا, سوڭعى «دوستىق» كەزەڭىمەن تۋرنير 23 شىلدە كۇنى اياقتالادى. سونداي-اق, ارادا ەكى كۇن سپورتشىلارعا دەمالىس بەرىلەدى.