ق. توقاەۆ م. پەككارينەندى جانە كۇللى سۋومي حالقىن ەل تاۋەلسىزدىگىنىڭ الداعى 100 جىلدىعىمەن قۇتتىقتادى.
قازاقستان پارلامەنتى جوعارعى پالاتاسىنىڭ توراعاسى «ەكسپو-2017» حالىقارالىق كورمەسىنە حەلسينكيدىڭ ەرەكشە ىقىلاسىن اتاپ ءوتتى. سەنات باسشىسىنىڭ پىكىرىنشە, پرەزيدەنت ساۋلي ءنينيستيونىڭ تاياۋداعى استاناعا جۇمىس بابىنداعى ساپارى جانە ونىڭ «ەكسپو-2017» كورمەسىندەگى ۇلتتىق پاۆيلونىن اشۋعا قاتىسۋى قازاقستان مەن فين قاتىناستارىنىڭ ەرەكشە سيپاتىن كورسەتتى.
«فينليانديا تابيعي رەسۋرستاردى ءتيىمدى پايدالانۋ مەن الەۋمەتتىك باعدارداعى ەكونوميكانىڭ ناتيجەلى جۇمىسىنىڭ مىسالى بولىپ تابىلادى. ءبىزدىڭ مەملەكەت باسشىسى دامۋدىڭ وسى باعىتىن بەلگىلەدى, - دەدى ق.توقاەۆ. – ءبىز ەنەرگيا جيناقتاۋ, جاڭارتىلاتىن ەنەرگيا كوزدەرىن تابۋ جانە پايدالانۋ سالاسىنداعى ءوزارا ءىس-قيمىلدى دامىتۋعا مۇددەلىمىز».
سەنات توراعاسى ەۋروپالىق وداقپەن ستراتەگيالىق ارىپتەستىك تۇرعىسىندا ەكى مەملەكەتتىڭ ءوزارا ءىس-قيمىلىن جالعاستىرۋدىڭ ماڭىزدىلىعىن اتاپ ءوتتى. استانا وسىعان بايلانىستى قازاقستان مەن ەۋروپالىق وداق اراسىنداعى كەڭەيتىلگەن ارىپتەستىك جانە ىنتىماقتاستىق تۋرالى كەلىسىمدى العاشقىلاردىڭ ءبىرى بولىپ راتيفيكاتسيالاعان فين پارلامەنتىنىڭ شەشىمىن جوعارى باعالادى.
جۇزدەسۋشىلەر زاڭ شىعارۋ ورگاندارىنىڭ ديالوگى ماسەلەلەرى بويىنشا پىكىر الماستى, ساۋدا-ەكونوميكالىق, ترانزيتتىك جانە مادەني سالاداعى ەكىجاقتى ىنتىماقتاستىقتىڭ كەلەشەگىن تالقىلادى.
م. پەككارينەن قازاقستاندى فينليانديانىڭ ايماقتىعى ماڭىزدى ارىپتەسى رەتىندە اتادى جانە ءبىزدىڭ مەملەكەتتەرىمىزدىڭ كوپتاراپتى ءوزارا ءىس-قيمىلىن ودان ءارى نىعايتۋعا سەنىم ءبىلدىردى.