قازىر بۇل ماڭاي جاسىل جەلەككە بولەنىپ, جۇرتشىلىقتىڭ دەمالاتىن ورنىنا اينالعان.ءتۇرلى-ءتۇستى گۇلدەر, شىرشا كوشەتتەرى كوز جاۋىن الادى. قازاقستان پوليتسياسىنىڭ 25 جىلدىق مەرەكەسى قارساڭىندا وسى جەردە ارنايى ەسكەرتكىش ورناتىلدى. ونىڭ اشىلۋىنا قالا اكىمى مارات تاسماعانبەتوۆ, ارداگەردەر, جاستار, قوعامدىق ۇيىم وكىلدەرى قاتىستى.
«ەل تاۋەلسىزدىگىن نىعايتۋ جولىندا ەرلىكپەن قازا تاپقان ارىپتەستەرىمىزدى ەشقاشان ۇمىتپايمىز. اللەيانى كوركەيتۋ ءۇشىن كوپ جۇمىستار اتقارىلدى», دەيدى پەتروپاۆل قالاسى ءىىب باستىعى اناتولي مۋرزىكانوۆ.
بۇل كۇنى مۇراجايدىڭ دا تاسپاسى قيىلدى. مۇندا 200-دەن اسا جادىگەر قويىلعان. اعا ينسپەكتور مارال الپىسوۆتىڭ ايتۋىنشا ونداعى ءزاتتار تارتىپ ساقشىلارى جايلى جان-جاقتى سىر شەرتەدى.
شارا سوڭىندا ەسەلى ەڭبەكتەرىمەن ەرەكشەلەنگەن 80-گە جۋىق ءتارتىپ ساقشىلارى العىس حات, ءتوس بەلگى جانە ەستەلىك سىيلىقتارمەن ماراپاتتالدى.
ءومىر ەسقالي,
«ەگەمەن قازاقستان».