وبلىس اكىمىنىڭ قولداۋىمەن وسى ماقساتقا 140 ملن تەڭگە ءبولىندى. «اتالعان باعدارلاما بويىنشا 16-29 جاس ارالىعىنداعى جاستاردىڭ بەس ەڭبەك جاساعى قۇرىلدى, دەيدى وبلىستىق جاستار ساياساتى ماسەلەلەرى باسقارماسىنىڭ باسشىسى جاسۇلان بيسەمبيەۆ. كوگالداندىرۋ, قۇرىلىس, اۋىل شارۋاشىلىعى, پەداگوگيكالىق جانە ارحەولوگيالىق جاساقتارعا قاتىسۋ ارقىلى جاستار تاجىريبە جينايدى ءارى قىزمەتتەرىنە اقى تولەنەدى». بيىلعى جاڭالىقتىڭ ءبىرى – «جاسىل ەل» باعدارلاماسىنا ارحەولوگيالىق جاساقتىڭ قوسىلۋى بولىپ وتىر. باسقارما باسشىسىنىڭ ايتۋىنشا, مۇنداي جاساق ەلىمىزدە ءبىرىنشى بولىپ اتىراۋ وبلىسىندا قۇرىلعان. 1 ماۋسىمنان باستاپ قىزىلقوعا اۋدانىنىڭ قاراباۋ ەلدىمەكەنى اۋماعىندا «جاسىلەلدىكتەر» جۇمىسىن باستادى. قازىر 14 ستۋدەنت ەسكى قورعانداردى قازىپ, ۇلى جىبەك جولى بويىندا قالعان تاريحي قۇندىلىقتاردى ىزدەستىرۋ ۇستىندە. ال شىلدە-تامىز ايلارىندا «حان وردالى سارايشىق» قالاشىعى مەن «تاسكەشۋ» كەرۋەن سارايىندا قازبا جۇمىستارى جۇرگىزىلەدى.
باقىتگۇل باباش, «ەگەمەن قازاقستان»
اتىراۋ