9 شىلدە كۇنى ەكسپو-2017 حالىقارالىق كورمەسى اۋماعىندا استانانىڭ مادەني كۇندەرى ۇيىمداستىرىلادى. كورمەنىڭ باس ساحنا – امفيتەاتردا ەلوردالىق شىعارماشىلىق ۇجىمداردىڭ جانە بارلىق ارتىستەردىڭ قاتىسۋىمەن «استانا ىرعاعى» («ريتمى استانى») كونتسەرتى وتەدى.
قازىرگى زامانعى مۋزىكا فەستيۆالى اياسىندا باستى مادەني وقيعالار, استانادا جاسالعان جانە ونىڭ تانىمدىق بەلگىسىنە اينالعان ەڭ جارقىن شوۋلاردان ۇزىندىلەر كورسەتىلمەك. شارا بارىسىندا زاماناۋي ەسترادا ونەرى مەن حالىق شىعارماشىلىعى كوپشىلىك نازارىنا ۇسىنىلادى. كونتسەرتتە ديدجەيلەر ەسترادالىق-سيمفونيالىق وركەسترمەن, فولكلورلىق انسامبلمەن بىرگە كومپوزيتسيالار ورىندايتىن بولادى.
اسحات رايقۇل «ەگەمەن قازاقستان»