ءىس-شاراعا فرانتسيانىڭ قازاقستانداعى ەلشىسى فرانسيس ەتەن, ەكسپو 2017 فرانتسيا ءپاۆيلونىنىڭ باس كوميسسارى پاسكال لورو جانە باسقا دا رەسمي تۇلعالار قاتىستى.
پاسكال لورو ءوز سوزىندە فرانتسيا قازاقستانمەن ىنتىماقتاستىق تۋرالى شارتقا قول قويعان ەۋروپا ەلدەرىنىڭ اراسىنداعى العاش مەملەكەتتەرىنىڭ ءبىرى ەكەنىن اتاپ ءوتتى.
«وسىلايشا ەكى ەل اراسىنداعى ەكونوميكالىق ىنتىماقتاستىق نىعايا ءتۇستى. فرانتسيا ەكسپو-2017 حالىقارالىق كورمەسىنە قازاقستانعا قولداۋ كورسەتۋ ءۇشىن كەلدى. ەكسپو-2017 ەكىجاقتى ىسكەرلىك قاتىناستىردى ودان ءارى نىعايتۋعا ءوز ۇلەسىن قوسادى دەگەن سەنىمدەمىن», - دەپ اتاپ ءوتتى فرانتسيا ءپاۆيلونىنىڭ كوميسسارى.
ۇلتتىق كۇننىڭ اياسىندا «پاۆلودار مۇنايحيميا زاۋىتى» جشس, «ەرليكيدمۋنايتەحگازى» جشس مەن «قازمۇنايگاز-قايتا ءوندىرۋ جانە ماركەتينگ» اق اراسىنداعى شارتقا قول قويىلدى.
سونىمەن قاتار فرانتسيا ۇلتتىق كۇنىنىڭ قوناقتارى «Padam, Paname» سپەكتاكلى ۇسىنعان Boudoir دۋەتىنىڭ شىعارماشىلىعىن تاماشالاي الدى. فرانتسۋز ۇجىمدارىنان باسقا ساحنادا تولقىن زابيروۆا جانە قازاق ۇلتتىق ونەر ۋنيۆەرسيتەتىنىڭ ستۋدەنتتەرى ونەر كورسەتتى.