«قازپوشتا» اق ءباسپاسوز ورتالىعىنىڭ حابارلاۋىنشا, بەرەشەك تولەۋگە جانە ەلىمىزدەن تىسقارى شىعۋعا شەكتەۋدى الىپ تاستاۋعا مۇمكىندىك بەرەتىن قازپوشتا تەرمينالدارى بۇگىن استانا, الماتى, شىمكەنت جانە قاراعاندى قالالارى اۋەجايلارىندا جۇمىس باستادى. تاياۋ ارادا مۇنداي تەرمينال اقتاۋ قالاسىنىڭ اۋەجايىندا ىسكە قوسىلماق.
مامىر ايىندا ادىلەت مينيسترلىگىمەن بىرىگىپ, قازپوشتا ءوز بولىمشەلەرىندە ونلاين رەجيمدە بەرەشەك تولەۋگە جانە ەلىمىزدەن شىعۋعا تىيىم سالۋدى الىپ تاستاۋعا مۇمكىندىكتى ىسكە قوستى. ماۋسىم ايىندا بەرەشەكتەردى تەكسەرۋ جانە تولەم كارتوچكاسى ارقىلى تولەۋ ءۇشىن تاۋلىك بويعى قول جەتىمدىلىكتى قامتاماسىز ەتۋ ءۇشىن www.post.kz-تە فۋنكتسيونال ىسكە قوسىلدى جانە ءموبيلدى قوسىمشا ارقىلى. بۇگىن الماتى, شىمكەنت مەن قاراعاندى حالىقارالىق ۇشۋ ايماعىندا جانە استانا اۋەجايىندا بەرەشەكتەردى تەكسەرۋ مەن تولەۋگە بولاتىن قازپوشتا تەرمينالدارى ورناتىلدى. 15 مينۋت ىشىندە بەرەشەكتەردى تولەۋ جونىندەگى اقپارات دەرەكتەر بازاسىنا بەرىلەدى, 30 مينۋت ىشىندە سوت ورىنداۋشىسىنىڭ قاتىسۋىنسىز ەلدەن تىسقارى شىعۋعا شەكتەۋ الىنىپ تاستالادى.
ءوز جسن-ءدى ەنگىزە وتىرىپ, بەرەشەگىڭىزدىڭ بار ەكەنىن تەكسەرە الاسىز جانە تەرمينال ارقىلى ونى تولەي الاسىز. تولەم تۋرالى اقپارات ونلاين رەجيمدە «ەلەكتروندىق ۇكىمەتتىڭ» تولەمدىك ءشليۋزى ارقىلى بەرەشەكتەردى الداعى ۋاقىتتا ەسەپتەن شىعارۋ, شەكتەۋدى الىپ تاستاۋ جانە ءبىزدىڭ ازاماتتارىمىزدىڭ ەش كەدەرگىسىز شەتەلگە شىعۋى ءۇشىن قر اتقارۋشىلىق ءوندىرىس ورگاندارىنىڭ اقپپاراتتىق جۇيەسىنە (قر ءام ءاوو ااج) جولدانادى.
تەرمينال ارقىلى جەكە, زاڭدى تۇلعالاردىڭ پايداسىنا جانە مەملەكەتتىڭ كىرىسىنە (ايىپپۇلدار, مەملەكەتتىك باج سالىعى, ءوسىم جانە ت.ب.) ءوندىرىپ الۋ بويىنشا بەرەشەكتەردى تولەۋگە بولادى.
تەرمينال ارقىلى مەرزىمدى ءوندىرىپ الۋ بويىنشا بەرەشەكتەردى, سونداي-اق م ۇلىكتىك ەمەس سيپاتتاعى اتقارۋشىلىق قۇجاتتاردىڭ تالاپتارىن (ماجبۇرلەۋ, مىندەتتەۋ, ۇيگە كىرگىزۋ, ۇيدەن شىعارۋ) تولەۋگە رۇقسات ەتىلمەيدى.
ەسكەرتە كەتۋ كەرەك, قازپوشتا تەرمينالدارى جانە بولىمشەسى ارقىلى تولەۋ كەزىندە ەلدەن شىعۋعا تىيىمدى اۆتوماتتى تۇردە الىپ تاستاۋ تەك 2015 جىلعى 1 شىلدەدەن كەيىنگى تىيىمدارعا قولدانىلادى. 2015 جىلعى 1 شىلدەگە دەيىنگى قويىلعان تىيىمدار بويىنشا شەكتەۋلەردى الىپ تاستاۋ بۇرىنعى قولدانىستاعى ءتارتىپ بويىنشا, سوت ورىنداۋشىسىنا تولەم تۋرالى راستاۋشى قۇجاتتى ۇسىنۋ جولىمەن جۇزەگە اسىرىلادى.
ەلدەن شىعۋعا تىيىم سالۋ ايىپپۇلدى تولەگەن سوڭ, 30 مينۋت ىشىندە اۆتوماتتى تۇردە الىنىپ تاستالادى. قر زاڭناما تالاپتارىنا سايكەس, تەرمينال ارقىلى بەرەشەكتەردى تولەۋدىڭ ماكسيمالدى سوماسىن 2 000 000 تەڭگەگە دەيىن شەكتەۋ بەلگىلەنگەن, تەرمينال ارقىلى تولەۋگە تاريف بەرەشەك سوماسىنان 1%-دى قۇرايدى, بىراق ءاربىر تولەم ءۇشىن 100 تەڭگەدەن كەم ەمەس.
ەگەر بەرەشەك سوماسى 2 000 000 تەڭگەگە تەڭ نەمەسە ودان اساتىن بولسا, كليەنت قازپوشتانىڭ بەلگىلەنگەن تاريفتەرىنە سايكەس, كەز كەلگەن قازپوشتا بولىمشەسىندە تولەم جاساي الادى.
ەسكە سالا كەتەيىك, بورىشكەرلەردىڭ ەلدەن شىعۋىنا تىيىم سالۋعا 2012 جىلدىڭ اقپان ايىندا باس پروكۋراتۋرا باستاماشىلىق ەتكەن بولاتىن. ولار سوت شەشىمى بويىنشا اكىمشىلىك ايىپپۇلداردى تولەۋدەن جالتارىپ جۇرگەن قازاقستان ازاماتتارىنىڭ شەتەلگە شىعۋىنا شەكتەۋ قويۋدى ۇسىنعان ەدى.
قر-نان تىسقارى جەرلەرگە شىعۋعا ۋاقىتشا تىيىم سالۋ تۋرالى اقپاراتپەن www.adilet.gov.kz قر ادىلەت مينيسترلىگى سايتىنا, «قازاقستان رەسپۋبليكاسى شەگىنەن شىعۋى ۋاقىتشا شەكتەلگەن تۇلعالاردىڭ ءتىزىمى» بولىمىنە, سونداي-اق قازپوشتا post.kz پورتالى مەن تەرمينالدارىنا ءوز جسن تەرۋ ارقىلى تانىسۋعا بولادى.