سويتسەك, قىمىزقۇمارلار قوعامىنىڭ قۇرىلۋىنا وسىنداعى ەسىمى ەلگە بەلگىلى اقىن تولەگەن جانعاليەۆ پەن سەمەيدەگى وبلىستىق ولكەتانۋ مۇراجايىنىڭ اباي اۋدانىنداعى فيليالىنىڭ مەڭگەرۋشىسى مالعاجدار ءجۇنىسجانوۆ ۇيىتقى بولىپتى. «وسىدان ەكى-ءۇش جىل بۇرىن تولەگەن ەكەۋمىز كەيدە جاستارمەن بىرگە دالاعا شىعىپ, كەيدە اۋىل ىشىندە ارا-تۇرا قىمىز ءىشىپ, ءوزارا اڭگىمەلەسىپ جۇرەتىنبىز. سوسىن ويلادىق, «وسى قاراۋىلداعى ءجون-جوسىقتى بىلەتىن ساليقالى ازاماتتار بار. سولاردى نەگە قاتارىمىزعا قوسپاسقا؟!» دەپ. ءسويتىپ, ەلدار ورازالين, تولەۋباي امانعازين, سوۆەت ماحمەتوۆ, اسەت مىرزاقاسىم سىندى اۋىلدىڭ باس كوتەرەر ازاماتتارى قاتارىمىزعا قوسىلدى. الداعى ۋاقىتتا وسى يگى ءداستۇردى اۋداندا كەڭىرەك ناسيحاتتاپ, كەيىنگى بۋىن جاستارعا ۇلگى كورسەتسەك دەگەن ويىمىز بار», – دەيدى مالعاجدار اقساقال. «قاراۋىلداعى قىمىزقۇمارلار قوعامى» دەپ ءوزى ايدار تاققان شاعىن توپتىڭ مۇشەسى, اقىن تولەگەن جانعاليەۆ وتىرىستا تەك قىمىز ىشۋمەن عانا شەكتەلمەيتىنىن, بۇل جەردەگى ءماسليحاتتىڭ ءمانى بولەك ەكەنىن ايتادى. ء«بىز «كەشە انا باسىلىمنان مىناداي ماقالا وقىدىم», «مىنا گازەتتەن اناداي ولەڭ وقىدىم» دەپ باستايمىز دا, ءارى قاراي ءىلىپ اكەتەمىز. ءبىرىمىز ولەڭ وقيمىز. قوعامداعى ءارتۇرلى تاقىرىپتاردى تالقىلاپ, تال- دايمىز. قىمىز ءىشىپ وتىرعاندا ايتىلاتىن اڭگىمەنىڭ ءجونى بولەك قوي», – دەگەن ول قىمىزدى سارجال اۋىلىنان ارنايى الدىراتىندىقتارىن جەتكىزدى.
ازامات قاسىم, «ەگەمەن قازاقستان»
شىعىس قازاقستان وبلىسى, اباي اۋدانى
سۋرەتتى تۇسىرگەن اۆتور