ءۋاليحانوۆ اۋدانى بيدايىق اۋىلىندا 12 جاسار بالا مەن ەكى ەرەسەك كىسى نايزاعاي ءتۇسىپ قايتىس بولدى, دەپ حابارلادى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
قايعىلى وقيعا 16 ماۋسىم كۇنى ورىن العان. اۋىل تۇرعىندارى ورىستەن قايتقان مالدىڭ الدىنان شىعۋعا بارعاندا نايزاعاي ويناپ, جاڭبىر قۇيىپ سالا بەرگەن. ءبىرىنشى جاي بالاعا ءتۇسىپ, ءتىل تارتپاي كەتكەن. دەرەۋ دارىگەرگە, اۋىل اكىمى مەن ۋچەسكەلىك ينسپەكتورعا حابارلانىپ, شۇعىل كومەك شاقىرتىلعان. اۋىل فەلدشەرى مەن جۇرگىزۋشى وقيعا ورنىنا جەتكەندە ەكىنشى جاي ءتۇسىپ, كومەك شاقىرعان 34 جاستاعى ەر ادام مەن 39 جاستاعى فەلدشەرلىك-اكۋشەرلىك پۋنكتتىڭ جۇرگىزۋشىسى اجال قۇشقان.
ءومىر ەسقالي.
«ەگەمەن قازاقستان».
سولتۇستىك قازاقستان وبلىسى.