شارشى مەترi بار بولعانى 65 تەڭگە تۇراتىن پاتەرلەردىڭ 38-i مەديتسينا قىزمەتكەرلەرىنە, قالعانى كەزەكتە تۇرعان جاس وتباسىلارعا ارنالعان. سالتاناتتى شاراعا قاتىسقان وبلىس اكىمى دانيال احمەتوۆ اق حالاتتى ابزال جانداردى مەرەكەلەرىمەن قۇتتىقتاپ, بىرنەشە جاس دارىگەرگە باسپانا كiلتiن ءوز قولىمەن تابىس ەتتى. " مەملەكەتىمىزدiڭ ەڭ باستى بايلىعى - ۇلت ساۋلىعى. سىزدەر كەز كەلگەن ادام ءۇشىن قىمبات قازىنا سانالاتىن دەنساۋلىقتى قورعاۋ, ساقتاۋ جولىندا ايانباي تەر توگىپ كەلەسىزدەر. جۇمىستارىڭىزعا تابىس, وتباسىلارىڭىزعا باق-بەرەكە تىلەيمىن", - دەگەن ايماق باسشىسى جىل سوڭىنا دەيىن مەديتسينا قىزمەتكەرلەرى ءۇشىن تاعى دا 90 پاتەرلiك باسپانا سالىناتىنىن جەتكىزدى. باسپانا الىپ, بوركىن اسپانعا اتىپ قۋانعان جاس ماماندار دا قۋانىشتارىن جاسىرا المادى. "مەن 2016 جىلى سەمەي مەملەكەتتىك مەديتسينا ۋنيۆەرسيتەتىن بiتiردiم. قازىر وسكەمەندەگi N 1 قالالىق اۋرۋحانانىڭ ينسۋلت ورتالىعىندا جۇمىس iستەيمiن. بۇگىن مىنە ءوزiمنىڭ ارىپتەستەرiممەن بىرگە قونىستويىمىزدى تويلاپ جاتقان جايىمىز بار. جاس ماماندارعا قولداۋ كورسەتىپ, مەملەكەتتىك باعدارلاما قابىلداعان ەلباسىمىزعا ەرەكشە العىسىمىزدى بىلدىرەمىز", - دەدى مەرحات نۇرسۇلتانوۆ.
ازامات قاسىم,
"ەگەمەن قازاقستان"
وسكەمەن
سۋرەتتi تۇسىرگەن اۆتور