شەتەلدىك بالاقايلار قازاقستان جايلى بەينەروليكتەن تانىسىپ, الەم نازارى اۋىپ وتىرعان تاقىرىپتى جان-جاقتى اشۋعا تىرىسقان.
«كىشكەنتاي بالالاردىڭ اسەرى ەرەكشە كەلەدى. ەرەسەكتەرگە قاراعاندا ولاردىڭ قورشاعان ورتا مەن الەمدى سەزىنۋى باسقاشا. وسى سەبەپتى بولار, جۇلدەلى ورىنداردى انىقتاۋ بىرشاما قيىندىق تۋدىردى. مەنىڭ ويىمشا, بايقاۋعا قاتىسقان ءاربىر بالا – جەڭىمپاز. شىعارمالاردان كيىز ءۇي, جازىق دالا مەن تاۋلى جەرلەر, قازاق دالاسىنىڭ كەڭدىگى مەن سۇلۋلىعىن انىق اڭعارىلادى», دەيدى قازىلار القاسىنىڭ ءتورايىمى ليديا گيركو.
"سالەم, قازاقستان" حالىقارالىق بايقاۋى ساۋىر ايىنان باستالىپ, 127 ءبۇلدىرشىن ءوز سۋرەتتەرىن جىبەرگەن. يتاليادان 25, پولشادان 27, رەسەيدەن 29 سۋرەت جولدانعان.ء تىپتى, ءبىر يتالياندىق ءبۇلدىرشىن قازاقستاندىقتارعا ارناپ بەينەروليك تە جىبەرىپتى. 150-دەن استام جۇمىستىڭ اراسىنان ەڭ ۇزدىكتەرى تاڭدالىپ, ماراپاتقا يە بولدى. ءبىرىنشى ورىنعا "ART-پاليترا" بەينەلەۋ ستۋدياسىنىڭ تاربيەلەنۋشىلەرى مەن يتاليالىق "Floreale" بالاباقشاسى لايىق دەپ تانىلدى. جۇلدەلى ەكىنشى جانە ءۇشىنشى ورىنداردى تەرىسكەيلىك بالعىندار يەلەندى.
"كوپەرنيك" وبلىستىق پولياك مادەني ورتالىعى جەتەكشىسىنىڭ ورىنباسارى ۆالەنتينا كورنەۆانىڭ ايتۋىنشا, بالعىنداردى ەلىن, جەرىن سۇيۋگە كىشكەنتاي كەزىنەن باۋلۋ كەرەك. پاتريوتتىق تاقىرىپتىڭ تاڭداپ الىنۋى سوندىقتان. وسى بايقاۋ ارقىلى شەتەلدىك بالالار قازاقستان جايلى مول ماعلۇمات الا ءبىلدى.
ءومىر ەسقالي,
«ەگەمەن قازاقستان».
-