اتالمىش كومەك اياسىندا Windows 10 Pro جانە Windows 10 Enterprise وپەراتسيالىق جۇيەلەرى, Office Standard جانە Office Professional باعدارلامالارى, سونداي-اق, قور قىزمەتىنە ارنالعان باسقا دا باعدارلامالار ۇسىنىلدى. كومەك اياسىندا بەرىلگەن باعدارلامالىق ونىمدەردىڭ جالپى قۇنى 200 مىڭ اقش دوللارىنان اسادى.
Microsoft ۇسىنعان جاڭا باعدارلامالىق جابدىقتاما قوردىڭ IT-ينفراقۇرىلىمىن ايتارلىقتاي جاڭارتىپ, جەتىلدىرۋگە كومەكتەسەدى. جانە قور قىزمەتكەرلەرىنىڭ جۇمىس تيىمدىلىگىن ارتتىرۋعا مۇمكىندىك بەرىپ وتىر. Microsoft-تىڭ ليتسەنزيالىق باعدارلامالىق ونىمدەرى «SOS–قازاقستاننىڭ بالالار اۋىلى» قورىنىڭ وزىق اقپاراتتىق تەحنولوگيالارعا قول جەتكىزىپ, وقىتۋ ءۇردىسىن جەتىلدىرۋىنە جاعداي جاساۋدا. ەندى بالالار ساباقتارعا جاقسى دايىندالىپ, كومپيۋتەرلىك ساۋاتتىلىعىن كوتەرۋگە, ال قايىرىمدىلىق ۇيىمىنىنىڭ قىزمەتكەرلەرى تاربيەلەنۋشىلەردىڭ وقۋ ۇلگەرىمىن قاداعالاپ, وقىتۋ بارىسىندا كورنەكى ادىستەردى, تانىستىرىلىمدار مەن بەيروليكتەر سىندى قوسىمشا ماتەريالداردى قولدانۋعا مۇمكىندىك الىپ وتىر.
«وسىنداي زور كومەكتى ۇسىنىپ وتىرعانى ءۇشىن Microsoft كومپانياسىنا شەكسىز العىسىمىزدى بىلدىرەمىز. ءبىزدىڭ تاربيەلەنۋشىلەرىمىزدىڭ اراسىندا كومپيۋتەرلىك تەحنولوگيالارمەن وتە قىزىعاتىن بالالار كوپ. ال ەندى Microsoft ارقاسىندا ولاردىڭ زاماناۋي باعدارلامالىق جابدىقتامادا ءوز بىلىمدەرىن دامىتۋعا مۇمكىندىگى بار. مۇنداي سىيلىق, البەتتە, ولاردىڭ بولاشاق مانسابىنا زور سەپتىگىن تيگىزبەك», - دەيدى «SOS – قازاقستاننىڭ بالالار اۋىلى» قورىنىڭ ۇلتتىق ديرەكتورى مىندەتىن اتقارۋشى دانا ەگەشباەۆا.
«باعدارلامالىق جابدىقتى قايىرىمدىلىق رەتىندە سىيعا تارتۋ ارقىلى جاستارعا شابىت بەرىپ, ولاردىڭ ەڭ زاماناۋي تەحنولوگيالار مەن ساپالى بىلىمگە قول جەتكىزۋىنە, الەۋەتىن دامىتۋعا كومەكتەسۋدى نيەت تۇتتىق», - دەيدى Microsoft-تىڭ تمد ايماعىنداعى PR جانە الەۋمەتتىك جاۋاپكەرشىلىك جونىندەگى ديرەكتورى ەلەنا مۋحسينوۆا.
ايناش ەسالي,
«ەگەمەن قازاقستان».
الماتى