«قازاقستان» رترك» اق («Kazsport» پەن «قازاقستان») بىردەن فۋتبولدان ەكى الەم چەمپيوناتىن (2018 جانە 2022 جىلدار) ترانسلياتسيالاۋعا قۇقىق الا وتىرىپ, 6 جىلعا كەلىسىم جاسادى.
ايتا كەتۋ كەرەك, بۇل ماسەلەدە تۆ قۇقىعىن الىپ ساتۋشى دەلدالداردى اينالىپ ءوتىپ, كەلىسىمدى قۇقىققا يە بولۋشىنىڭ وزىمەن جاساۋعا قول جەتىپ وتىر. وسىنىڭ ارقاسىندا قوماقتى قارجى ۇنەمدەلۋدە.
"وسى ەكى چەمپيوناتتان باسقا قازاقستاندا الەمدىك كلۋبتىق بىرىنشىلىكتەردى, فۋتزال مەن جاعاجاي فۋتبولى بويىنشا الەم چەمپيوناتتارىن, ايەلدەر, ءتۇرلى جاستاعى جاستار مەن جاسوسپىرىمدەر قۇرامالارى اراسىنداعى الەم بىرىنشىلىكتەرىن, سونداي-اق ەرتەڭ, 17-ءشى ماۋسىمدا باستالاتىن كونفەدەراتسيا-2017 كۋبوگىن كورسەتۋ قۇقىعى ساتىپ الىندى. بۇل باسەكەلەردى «Kazsport» پەن «قازاقستان» تەلەارنالارىنان تىكەلەي ەفيردە تاماشالاڭىزدار", - دەپ جازدى مينيستر فەيسبۋكتەگى پاراقشاسىندا.