تاراپتار استانا ەكونوميكالىق فورۋمى - 2017 اياسىندا ۇسىنىلعان تۇعىرنامادا وڭتۇستىك-وڭتۇستىك جانە ءۇش جاقتى ىنتىماقتاستىقتىڭ ارىپتەستىك ماسەلەرىن تالقىلاپ, ونىڭ ىشىندە «جاسىل» ەكونوميكا بويىنشا ىنتىماقتاستىقتى دامىتۋعا باسا نازار سالدى.
فورۋم جۇمىسىنا قر ۇلتتىق ەكونوميكا مينيسترلىگى, بۇۇ دامۋ باعدارلاماسىنىڭ ەۋروپا, تمد جانە ەۋروپا ەلدەرى بويىنشا ايماقتىق بيۋروسى, بۇۇ وڭتۇستىك-وڭتۇستىك ىنتىماقتاستىعى بويىنشا باسقارما, استاناداعى مەملەكەتتىك قىزمەت سالاسىنداعى وڭىرلىك حاب, يسلام دامۋ بانكى, يسلام ەلدەرىنە ارنالعان ستاتيستيكالىق, ەكونوميكالىق جانە الەۋمەتتىك زەرتتەۋلەر ينستيتۋتى جەتەكشىلەرى مەن باسقا دا حالىقارالىق ۇيىمداردىڭ جوعارعى لاۋازىمدى تۇلعالارى قاتىستى.
فورۋمدى قر ۇلتتىق ەكونوميكا ءمينيسترى ورىنباسارى ەرنار باكەنوۆ, استاناداعى مەملەكەتتىك قىزمەت سالاسىنداعى وڭىرلىك حابى باسقارۋشى كوميتەت توراعاسى اليحان بايمەنوۆ جانە بىرقاتار حالىقارالىق ۇيىم وكىلدەرى اشتى.
“ استاناداعى مەملەكەتتىك قىزمەت سالاسىنداعى وڭىرلىك حابى قازاقستان ۇكىمەتى مەن بۇۇ دامۋ باعدارلاماسىنىڭ الدىڭعى قاتارلى باستاماسى بولا وتىرىپ, قۇرىلعاننان باستاپ, ارىپتەستىككە, مەملەكەتتىك قىزمەت سالاسىنداعى الەۋەتتى ارتتىرۋعا, «تەڭ تەڭىمەن» قاعيداتى بويىنشا وقىتۋعا باعىتتالعان, كۇن ءتارتىبى يكەمدى ءارى ازاماتتار سۇرانىسىن باعدار تۇتاتىن كوپجاقتى تۇعىرناما رەتىندە ءمالىم,» - دەدى اليحان بايمەنوۆ.
بۇۇ باس حاتشىسىنىڭ كومەكشىسى, بۇۇ دامۋ باعدارلاماسى ەۋروپا جانە تمد ەلدەرى بويىنشا ايماقتىق بيۋرو ديرەكتورى دجيحان سۇلتانوگلۋ باعدارلامالىق ءسوز سويلەپ, ەۋروپا جانە تمد ەلدەرىندەگى ادام رەسۋرستارىنىڭ تۇراقتى دامۋى سالاسىن ىلگەرىلەتۋدەگى وڭتۇستىك-وڭتۇستىك جانە ۇشجاقتى ىنتىماقتاستىق تۋرالى ءبىرىنشى ايماقتىق ەسەبىمەن تانىستىردى.
فورۋم بارىسىندا ايماقتىق ىنتىماقتاستى نىعايتۋ بويىنشا ناقتى مەحانيزمدەر ۇسىنىلىپ, وڭتۇستىك-وڭتۇستىك باعىتىندا ءبىلىم جانە تەحنولوگيالار الماسۋدا جەكە سەكتوردى تارتۋدىڭ جولدارى كەڭىرەك قاراستىرىلدى.